Регион
Забрана за влез во Хрватска на возила со српски регистарски таблички
Хрватска реагираше на мерката на Србија да го блокира влезот на хрватска стока на сите гранични премини, со тоа што од утрово забрани влез на автомобили и камиони со српски регистарски таблички.
Хрватска реагираше на мерката на Србија да го блокира влезот на хрватска стока на сите гранични премини, со тоа што од утрово забрани влез на автомобили и камиони со српски регистарски таблички.
Хрватскиот одговор на Србија е забрана на патничкиот сообраќај, потврди за Нова ТВ , министерот за внатрешни работи на Хрватска, Ранко Остојиќ.Се работи за забрана за влез во Хрватска на сите лични автомобили и автобуси со спрски регистарски таблички, вели Остојиќ.Неколку камиони од Македонија, во раните утрински часови во четврток го блокираа сообраќајот на влез во Хрватска на граничниот премин Бајаково, јави Танјуг, и пренесува дека хрватските власти од тој премин по полноќ ги враќале возилата и патниците со српски пасоши.Три камиони кои превезуваат стока која се расипала се паркирале на меѓудржавниот простор меѓу Батровци и Бајаково незадоволни од повеќедневното чекање и се закануваат дека стоката ќе ја истоварат во тоа подрачје, а хрватската полиција се обидува да ги тргне.Известувачот за Танјуг, според српски полициски извори јавува дека по примената на српските противмерки оневозможен е влез во Хрватска на сите кои имаат српски пасоши.Неколку возила и автобуси се вратени од граничниот премин Бајаково во Србија, а патниците велат дека не ги пуштиле во Хрватска со образложение дека ни едно српско возило, ниту државјанин не можат да влезат во Хрватска.Хрватскиот премиер Зоран Милановиќ во четврток изјави дека Хрватска нема да ја укине блокадата на граничниот премин Бајаково, откако Србија воведе противмерки, иако тоа било планирано.„Не, нема да ја отвориме границата, јас, планирав, како што реков порано, утре да ги отворам границите, но сега мораме на ова да реагираме“, рече Милановиќ по завршувањето на самитот на ЕУ за бегалската криза.„Што се однесува на ситуацијата со Србија и српската влада, жал ми е. Сè што барав беше дел од бегалците да се праќаат горе на Хоргош, малку да нè растоварат“, рече Милановиќ.Од полноќ стапија на сила српските противмерки на одлуката на Хрватска за товарниот сообраќај да се затворат граничните премини кон Србија, и забранетиот увоз од Хрватска, потврди на полноќ српскиот министер за внатрешни работи Небојша Стефановиќ, на граничниот премин Батровци-Бајаково.„Сега ја донесоа таа мерка, разговарав за тоа во текот на вечерта со Федерика Могерини. Што точно ќе направиме тоа ќе го каже министерот за внатрешни работи. Значи, нема да има насилство, ниту војна, да се разбереме, сè е мирно, но ова не е нормално однесување“, рече Милановиќ.Додаде дека Вучиќ (српскиот премиер)во телефонски разговор му рекол дека ќе направат сè, а не направи ништо и никој не преминува преку унгарскиот граничен премин Хоргош. /крај/д/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повеќе од половина Србија обоена во жолто: Итно предупредување поради можно невреме
Жолта метеоролошка тревога е на сила на повеќе од половина од териториите во Србија и тоа во Бачка, Банат, Срем, Белград, Западна Србија, Поморавље и Шумадија, со цел да се предупреди за можна појава на грмежи.
Се очекува слаб до умерен дожд во областа Бачка.
Во Бачка во следните два часа на места ќе има врнежи од дожд со слаб до умерен интензитет.
Инаку, жолтиот метео аларм се „вклучува“ кога времето може да биде потенцијално опасно, поточно кога се предвидуваат опасни временски појави.
„Тие се со таков интензитет што можат да предизвикаат материјална штета и да бидат опасни за луѓето и животните. Треба да бидете многу внимателни, свесни за ризиците и редовно информирани за деталите за очекуваните метеоролошки услови“ велат од надлежните државни служби.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.