Свет
Стивен Хокинг хоспитализиран во Рим
Светскиот познатиот британски физичар и космолог Стивен Хокинг е хоспитализиран во Рим поради прегледи, откако не се почувствувал добро, но се верува дека неговата состојба е сериозна, изјави во петокот неговиот портпарол.
Според Reuters 74-годишниот Стивен Хокинг пристигна во италијанската престолнина Рим за да учествува на конференцијата на Понтификалната (папска) академија на науките, и се сретна со поглаварот на Римокатоличката црква, папата Франциск во понеделникот.
Во римската болница „Гемели“, којашто се смета за една од најдобрите римски болници во кои се лекуваат папите, бил примен во четвртокот ноќта.
Портпаролот и ватикански извор рекле дека не веруваат оти Хокинг, кој боледува од болеста на моторичките неврони, е во сериозна состојба. Ватиканскиот извор рекол дека не се изменети плановите Хокинг и неговата придружба да отпатуваат во сабота.,
Хокинг, кој се прослави со книгата „Куса историја на времето“, продадена во тиражи од 10 милиони примероци, зборува преку компјутер и патува со придружба во која се вклучени и две болничарки. Тој одржа говор во Ватикан, на 25-ти ноември за потеклото на Вселената.
Хоинг, теоретски физичар е познат како популаризатор на науката, се занимава со потеклото на космолошката посебност, односно привичната состојба на Вселената, од којашто таа, според теоријата за Големиот тресок, постојано се шири.
Во 1963 година, на тогаш 22-годишниот Стивен Хокинг му била дијагностицирана „амиотрофична латерална склероза“ (АЛС). Лекарите тогаш сметале дека му преостануваат уште две до три години живот. За среќа нивните предвидувања не се остварија, тој ја продолжи својата научна работа, двапати се женеше и е татко на три деца. Дури и целосно парализиран и врзан за специјално опремената количка, Хокинг води доста активен живот, се занимава со науката, предава, и настапува на научни собири ширум светот, општејќи со светот преку специјалниот компјутеризираниот синтетизатор на говорот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Свет
Голем руски ракетен напад врз украинските централи, штетата е голема
Русија ги нападна термоцентралите и хидроцентралите во централна и западна Украина со проектили и беспилотни летала, во уште еден од серијата напади врз веќе оштетената енергетска инфраструктура, објави електроенергетскиот оператор „Укренерго“.
„Во масовен и комбиниран напад, руските сили повторно ги гаѓаа енергетските објекти во текот на ноќта“, објави Укренерго на Телеграм. Оштетени се термоцентралите и хидроцентралите во централниот и западниот регион“, додава операторот.
Според локалните власти и министерот за енергетика Герман Гелушенко, нападнати биле енергетските објекти во областа Камиаске во близина на градот Днепро и енергетската инфраструктура во регионите Дњепропетровск, Полтава и Черкаси.
„Објектите за производство на електрична енергија беа нападнати со беспилотни летала и проектили“, рече Гелушенко.
Најголемата приватна енергетска компанија ДТЕК потврди дека биле нападнати три нејзини термоцентрали. Дистрибутерот на електрична енергија оваа недела објави дека ДТЕК изгубил околу половина од својот производствен капацитет.
Украинската армија објави дека соборила 58 од 60 лансирани руски беспилотни летала и 26 од 39 проектили.
Регион
Два силни земјотреси го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9 часот и 12 минути на подрачјето на Јонското Море, а минута претходно е регистриран земјотрес со јачина од 4,3 степени, пренесува Катимерини.
Двата земјотреси беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија Ефтимис Лекас на платформата Х напиша дека нема повредени и дека не е причинета штета, додека директорот на Геодинамичкиот институт Атанасиос Ганас рече дека причината што не е причинета материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.