Hitech
Бизнисмен платил 10 илјади долари за да го убијат и да ја пренесат неговата меморија на интернет
Милијардер од Силиконската Долина платил 10.000 долари за да биде ставен на листата на чекање за смртоносен процес за пренесување на неговиот мозок на интернет.
Бизнисменот Сем Алтман е еден од 25-те луѓе на листата на чекање на стартап-компанијата Nectome, која ветува дека ќе ги вчита мемориите на своите клиенти на т.н. клауд-платформа.
Алтман (32), кој сака вечно да го зачува својот ум, ќе умре во процес сличен на самоубиство, само со мала асистенција од лекар, пишува „Унилад“.
This new startup that wants $10,000 to murder you in the same room as a computer is called “Nectome” which is literally Latin for “when I have been killed” https://t.co/NR8BjG4pmz
— Joseph A. Howley (@hashtagoras) March 13, 2018
Коосновачите на Nectome, Роберт Мекинтаер и Мајкл Мекан, добиле идеја да го сочуваат човечкиот мозок онлајн до микроскопски детали со користење високотехнолошки процес на балсамирање. Процесот на вчитување на меморијата резултира со витрификацијата – термин што го користи компанијата за да го опише процесот на претворање на мозокот во стакло.
Nectome веќе има добиено две награди од Brain Preservation Foundation за зачувување на мозокот на зајак во 2016 година и на свиња во 2018 година, пишува „Гардијан“.
Who wants to upload their brain to the cloud? Could this be the craziest (and deadliest) startup idea yet? #Nectome https://t.co/RJpXpKK0nF
— Ruth D’Arcy-Daniel (@RuthDArcyDaniel) March 15, 2018
Како што пишува Technology Review, за оваа процедура да биде успешна, мозокот мора да биде свеж. Nectome вели дека нивниот план е да се поврзат доброволците на машина со цел да се измешаат хемикалии за балсамирање во каротидните артерии во нивните вратови додека тие сè уште се живи.
Бизнисменот Алтман за Technology Review изјавил оти е прилично сигурен дека човечки мозоци ќе бидат дигитализирани уште во текот на неговиот животен век.
Nectome is offering to make an electron micrograph of your brain, but the process is lethal. https://t.co/uT8lpHrWcm
— T. Dalton Combs (@TDaltonC) March 13, 2018
„Претпоставувам дека мојот мозок ќе биде поставен на интернет. Постои филозофска дебата за ваквата процедура, но за мене тоа е доволно прецизна симулација за која може да се каже дека вреди. Во целата работа има поголем хуман аспект. Во овој момент, кога цела една генерација луѓе умираат, ние како човештво ја губиме нивната колективна мудрост. Се разбира, може да им се пренесе знаење на идните генерации, но тешко е да се пренесе и мудроста при соочување со одредени животни одлуки. Вашите деца мора да учат од истите грешки“, вели тој.
„Тоа било добро во некои времиња, но со секоја генерација ние стануваме сè помоќни. Огромниот потенцијал на она што можеме да направиме се зголемува, но не и мудроста, па затоа ни е потребна од претходните генерации“, додава тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
„Воцап“ воведе суптилна промена, корисниците во светот бесни
Со оглед на тоа дека има две милијарди активни корисници, слободно може да се каже дека „Воцап“ е една од најпопуларните апликации во светот. Но, многумина останаа бесни по новата суптилна промена воведена во платформата за пораки.
Наместо „онлајн“ и „пишува“, зборовите што вообичаено се појавуваат под имињата на луѓето во вашите разговори, сега има големи почетни букви на тие зборови. Иако ова звучи како мала промена, корисниците во светот воопшто не се задоволни поради тоа и се жалат на социјалните мрежи.
The word “online” was capitalized on @WhatsApp this week. Tell me why this is bothering me so much 🫠 pic.twitter.com/SfYqw0JdQ9
— Rebecca Franks (@riggaroo) April 13, 2024
„Дали на некој друг му пречи што наместо ‘онлајн’ и ‘пишува’, ‘Воцап’ сега исфрла големи букви?“, „Ова страшно ме нервира, ме болат очите кога го гледам“, „Воопшто не е некоја промена, но мене ми е неверојатно иритирачки“, пишуваат тие на „Икс“.
@isabellemariewa Wieso schreibt ihr das auf ein mal groß Whatsapp? Ich habe Fragen #fyp #whatsapp #relatable #foryou ♬ Originalton – Isabelle Marie
За жал, се чини дека промената ќе остане, без достапна опција во поставките за враќање на претходната верзија. Меѓутоа, ако новите големи букви навистина ве излудуваат, ќе бидете среќни кога ќе слушнете дека постои лесен начин за решавање. Сè уште има мали букви на WhatsApp Web.
@oicaramba Did whatsapp always capitalize the first letter of “typing” and “online”? #fyp ♬ original sound – oicaramba
@sophiepetrucciohall #whatappstatus #whatsapp anyone else noticed? #fyp #mybrain ♬ оригинальный звук – •🎧🎤•
Hitech
Xiaomi почна да произведува електрични автомобили
Кинескиот Xiaomi ги предупредува потенцијалните купувачи на електричниот седан SU7 дека можеби ќе треба да чекаат четири до седум месеци за нивниот автомобил поради големата побарувачка.
Производителот на паметни телефони и друга електроника за широка потрошувачка почна да прима нарачки за својот модел на електричен автомобил, кој влезе на пазарот во четвртокот и објави дека преднарачките го достигнале бројот 88.898 во првите 24 часа.
Според статусот на апликацијата за нарачки автомобили на Xiaomi, испораките за стандардниот модел SU7, по цена од 215.900 јуани или 29.870 долари, би можеле да траат помеѓу 18 и 21 недела.
Чекањето за испорака на моделот SU7 Pro би можело да трае од 18 до 21 недела, а за најскапиот модел, чија цена е 299.900 јуани или 41,5 илјад долари, може да се протега меѓу 27 и 30 недели.
SU7, чиј дизајн потсетува на моделите на спортски автомобили на Porsche Taycan и Panamera, беше лансиран во услови на жестока ценовна војна на светскиот пазар на автомобили, каде што повеќе од 40 марки се натпреваруваат за вниманието на потрошувачите.
Xiaomi не е без силни средства, забележуваат аналитичарите, кои истакнуваат дека има подлабоки џебови од многу стартапи за електрични возила и дека неговата експертиза во бизнисот со паметни телефони му дава предност во развојот на системи за електронски надзор, карактеристика што ја ценат кинеските потрошувачи.
Hitech
(Видео) Neuralink покажа како човек го движи курсорот на глувчето на екранот со своите мисли
Стартапот на Елон Маск, Neuralink, покажа како 29-годишен неподвижен човек, кому неодамна му бил вграден првиот чип во мозокот, игра шах на интернет преку своите мисли.
Целосно парализираниот Нолад Арбог играше шах на својот лаптоп движејќи го курсорот на глувчето со умот. Имплантот на стартапот на Маск му беше вграден пред два месеца.
— Neuralink (@neuralink) March 20, 2024
„Моето име е Ноланд Арбо, имам 29 години, имав нуркачка несреќа пред осум години и оттогаш сум квадриплегичар. Сакам да играм шах и тоа е една од активностите што ми ги овозможивте, нешто што не можев да го направам во изминатите неколку години, особено не вака. Порано користев глушец, но сега правам сè со мојот мозок“, изјави, меѓу другото, Ноланд.
Чипот на Neuralink е дизајниран да ја чита мозочната активност, да дешифрира какво движење има намера да направи личноста, а потоа да активира команда за извршување на таа акција. Арбо рече дека првично вежбал да се обидува да ја движи раката додека не станало интуитивно да се замисли како го движи курсорот.