Забава
Фил Спектор ќе ја дочека смртта во затвор?
Покрај жените кои сведочеа против него, обвинителството во предвид го зеде и имиџот на Спектор кој го имаше. Сите оние кои соработуваа со него го опишуваат со зборовите, бизарен, кавгаџија и невозможна личност
Музичкиот продуцент Фил Спектор е прогласен за виновен за убиството на актерката Лана Кларксон што се случи во 2003г. Оваа пресуда е конечна, а долга битка се водеше меѓу поротата на првото судење во 2007г, но овојпат поратата беше едногласна и го прогласи за виновен во Врховниот суд во Лос Анџелес. Спектор кој го очекува минимална затворска казна од 15 години, а максимална доживотна прогласен е виновен за убиство од втор степен, што значи без умисла но со намера. Казна ќе му биде изречена на 29 мај, а до тогаш ќе биде во притвор. Неговото судење последниве две години беше топ тема во шоубизнисот во светот, а Спектор и на двете судења се однесувал чудно. Јавноста ја забавуваше појавувајќи се на суд со различни перики и тврдеше дека е невин и дека Кларксон несреќно се самоубила. Неговиот адвокат најавува жалба за пресудата. „Сметам дека денеска не беше задоволена правдата. Им честитам на членовите на поротата затоа што се трудеа да ја завршат својата работа што поискрено и чесно. Но, тие беа затрупани со лажни докази и невистинити искази, а тоа предизвика да неможат да донесат исправна одлука. Сигурен сум дека на мојот клиент не му е донесена пресудата под правни околности“, изјави Вејберг. Музичкиот продуцент соработуваше со многу познати музички ѕвезди како што се Тина Тарнер, Џон Ленон, Џорџ Харисон, Рамонси, а уапсен беше на 3 февруари 2003г., кога неговиот возач Адриано Де Соуза повикал полиција откако во раните утрински часови во фоајето на вилата на Спектор, Алхамбра во Калифорнија пронашол мртво тело. Потоа тврдеше дека Спектор со пиштол во рака му реков „Мислам дека некого убив“. Но одбраната на продуцентот подоцна проба тоа да го исфрли и агласиле дека Де Суоза е бразилски емигрант и дека не разбира добро англиски. Но, ќе се чека конечната пресуда која е закажана за 29 мај, тогаш ќе се одреди колкава ќе биде вредноста на казната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Леонардо ди Каприо го игра Френк Синатра во новиот филм на Мартин Скорсезе
Леонардо ди Каприо наводно добил улога на Френк Синатра во новиот филм на Мартин Скорсезе, пишува „Вараети“. Улогата на Ава Гарднер ѝ припадна на Џенифер Лоренс, со која Ди Каприо соработуваше на филмот Don’t Look Up.
Од друга страна, Ди Каприо и Скорсезе соработуваа неколкупати.
Ова дуо е еден од најплодните актерско-режисерски парови, зад нив се филмовите, како „Бандите на Њујорк“, „Авијатичарот“, „Заминат“, „Островот затворач“ и „Волкот од Волстрит“. Нивниот последен филм, Killers of the Flower Moon, беше номиниран за 10 „Оскари“.
Веста за биографскиот филм на Френк Синатра беше дочекана со ентузијазам од фановите и коментираа на социјалните мрежи дека „Ди Каприо е одличен избор за улогата на Френк Синатра“.
Забава
Роберт де Ниро откри кои се неговите омилени актери на сите времиња
Има малку актери што може да се споредат со Роберт де Ниро.
Добитник е на два „Оскара“ и седум номинации во актерски категории. Де Ниро е титан на холивудското платно, кој постигна некои од неговите најнезаборавни изведби во филмовите на Мартин Скорсезе, Френсис Форд Копола и Квентин Тарантино.
Де Ниро ја имаше својата прва улога во филмот на Скорсезе, Mean Streets, од 1973 година. Тој толку многу го освои славниот режисер што го нарече најголемиот актер на неговата генерација.
Кариерата на Роберт де Ниро беше обележана со улоги во мрачни трилери и гангстерски филмови за кои стана синоним за Ал Пачино, Џо Пеши и Реј Лиота.
Запрашан за неговите најрани филмски влијанија, Де Ниро откри дека црпел инспирација од британската кинематографија. Што се однесува до Америка, тој како најинтересни актери ги издвојува Џејмс Дин, Марлон Брандо, Монтгомери Клифт, Ким Стенли и Грета Гарбо.
Омилени актери на Роберт де Ниро му се: Марлон Брандо, Монтгомери Клифт, Џејмс Дин, Грета Гарбо, Алберт Фини, Ричард Харис, Ким Стенли.
Забава
Хороскопски знак кој има најмногу среќа во животот
Астролозите тврдат дека еден знак од Зодијакот има повеќе среќа во текот на животот од сите други. Благодарение на својата природа, но и на среќниот пат на судбината, тие често успеваат да се најдат на вистинското место во вистинско време, а голема е веројатноста дека околностите во животот ќе бидат такви што сè ќе им се случи на најповолен можен начин.
Овој среќен знак се Близнаците. Нивниот хороскоп е поволен и често во текот на животот ќе забележат дека работите одеднаш тргнале на подобро и дека одеднаш биле опкружени со изненадувачки добри околности.
Кај Близнаците коегзистираат две личности и двете се водат од логиката, но секоја од нив има своја посебна логика, а како што наведуваат астролозите, токму тој „поларитет во ставовите и погледите на светот“ резултира со неверојатна среќа.
Исто така, среќата ги следи Близнаците поради нивниот оптимизам. Ниту еден друг знак не покажува таква самодоверба.
Понекогаш Близнаците се окарактеризирани и како „дволични“, бидејќи знаат совршено да балансираат меѓу двата огна, притоа секогаш следејќи ги сопствените интереси. Како и да е, слободно може да се каже дека Близнаците се тие кои ќе победат во секоја борба.
Припадниците на овој знак речиси секогаш имаат среќа во изборот на брачен партнер, делумно поради фактот што нивната вистинска љубов е искрена и трае вечно. Дури и кога се чини дека нивниот брак виси на конец, Близнаците успеваат да ги надминат проблемите, а врската се продлабочува.