Забава
Заедно да го менуваме дијабетесот
В сабота, 30 мај 2009 во 11:00 часот во „ФМ Кафе“ во Сити Галери (поранешна стоковна куќа „Типо“)Сојузот на здруженијата на граѓани со дијабетес ќе организира прес-конференција
На средбата со новинарите ќе говорат прим. д-р. Аврам Ванковски, претседател на Сојузот, г-ѓа Лилјана Вуевска од „Баланс“ – Асоцијација за детски дијабетес, проф. д-р. Чедомир Димитровски, директор на Клиниката за ендокринологија. Прес-конференцијата ќе се одржи по повод акцијата „ЗАЕДНО ДА ГО МЕНУВАМЕ ДИЈАБЕТЕСОТ“, во рамките на која на плоштадот Македонија во сабота и недела (30-ти и 31-ви мај 2009 г.) од 10:00 до 20:00 часот граѓаните ќе можат бесплатно да го мерат шеќерот во крвта и да добијат бесплатни совети и консултации од стручни лица за здравата исхрана и здравиот живот.Карванот „ЗАЕДНО ДА ГО МЕНУВАМЕ ДИЈАБЕТЕСОТ“ е од глобален карактер и во изминативе три години има посетено пет континенти и стотици населени места во светот. Македонија со овој настан практично се вклучува во планетарната коалиција за „Менување на дијабетесот“, поттикната од Меѓународната федерација за дијабетес (IDF) и од Резолуцијата на Обединатите нации донесена во декември 2006 г., а која се однесува на заканата од пандемија на дијабетес и важноста на превенцијата на заболувањето и на комликациите кои болеста ги предизвикува. Статистиката веќе не смее да се игнорира – се проценува дека во светот денес има 246 милиони лица со дијабетес, што е 6 отсто од светската популација. Уште поалармантна е проценката дека, доколку продолжи сегашната стапка на пораст, за 15-тина години дијабетесот ќе стане најголемата епидемија што кога било во својата историја ја видел светот. Во Македонија се проценува дека има повеќе од 100 илјади лица со дијабетес, а нивниот број секојдневно расте со темпо кое е алармантно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.