Забава
Бурниот и необичен сексуален живот на Анџелина Џоли
Љубовниот и сексуалниот живот на познатата американска актерка, Анџелина Џоли секогаш предизвикува интерeс во јавноста, особено откако во понеделникот поднесе барање за развод од својот сопруг, познатиот актер, Бред Пит, со кого беа заедно десет години и две години беа во брак.
Иако во едно интервју, Џоли изјави дека спиела само со четворица мажи, од кои со тројца била во брак, нејзината љубовна историја е многу покомплицирана. Анџелина Џоли имала многу бурен живот кој го раскажа во неколку интервјуа во коишто зборува за нејзините врски и за нејзината сексуалност. „Уште во градинка бев дел од групата која се нарекуваше ‘Kissy Girls’, Девојки кои се бакнуваат. „Мојата сексуалност беше изразена уште тогаш. Смислив игра во која се бакнував со момчињата и им оставав љубовни загризи“, изјави Џоли.Невиноста ја изгубила на 14 години и нејзината мајка знаела за тоа. „Кога имав 14 години, имав два избори: да се однесувам неодговорно и тоа да го направам со моето момче на улиците или во својата спална соба, додека мојата мајка е во соседната“, откри за „Cosmopolitan“ во 2003 година.Во тинејџерските денови била фасцинирана со ножеви и почнала да се самоповредува. „Кога влегов во светот на сексот, емоциите кои ми ги пружаше не беа доволни. Веќе не бев девојче. Во моментот кога сакав да се почувствувам поврзана со своето момче, го зедов ножот и го исеков. И тој ме исече мене. Разменивме нешто прекриени во крв и срцето брзо ми тропаше. Од тогаш, кога и да се најдев во небрано, ја сечев мојата кожа. Имам многу лузни. Бев во години кога сакав авантури и многу работи ми се случуваа по неколку пива“, изјави Џоли.До дваесетата година ја пробала речиси секоја дрога којашто постои, меѓу кои коакин, екстази, ЛСД и нејзиниот омилен хероин. Вели дека од „мрачните денови“ ја спасил нејзиниот прв маж, Џони Ли Милер, Се запознале на снимањето на филмот „Хакери“ во 1995 година и таа подоцна призна дека со него ја имала првата сексуална врска по нејзиното прво момче.Исто така Милер бил првиот актер со кого била во врска. Кога се разведе од него, имаше прва истополна врска со моделот и актерката Џени Шимицу, која ја запозна во текот на снимањето на филмот “Foxfire” во 1996 година.„Најверојатно ќе се венчавме, да не се омажев за својот сопруг. Се заљубов во нејзе истиот момент кога ја видов’, велеше Џоли. Меѓутоа Шимицу тврдеше дека со неа имала афера и додека Анџелина била во брак со Милер. Поднесе барање за развод во 1999 година. Следната година предизвика контроверзии кога беше фотографирана како се бакнува со својот брат Хејвен на доделувањето на наградите Golden Globes, а неколку месеци подоцна, кога го примаше Оскарот за најдобра споредна улога во филмот “Girl, Interrupted”, изјави „Сега сум толку заљубена во својот брат“.Истиот месец започна врска со актерот Били Боб Торнтон и два месеци подоцна се венчаа во Лас Вегас. Парот се запозна претходната година на снимањето на филмот “Pushing Tin”, во кој Анџелина ја глумепе младата жена на Торнтон која почнува да го изневерува со неговиот ривал кој го глуми Џон Кјузак. Тие наводно не биле во врска за време на снимањето, бидејќи тој тогаш беше верен со актерката Лора Дерм, а за Анџелина се зборуваше дека е во врска со Тимоти Хатон, со кој глумеше во филмот “Playing God” во 1997 година.Џоли и Торнтон често беа на насловните страници со своето необично однесување и тетоважите. Во 2002 година објавија дека планираат да посвојат дете од Камбоџа, но се разедоа само три месеци подоцна. „Сѐ се случи одненадеж. Преку ноќ се променивме. Еден ден се погледнавме и повеќе немавме ништо заедничко“, изјави во едно интервју. Тогаш изјави дека не планира да влегува во нова врска уште седум години, но во 2005 година започна врска со Бред Пит. Парот наводно започнал тајна врска додека го снимале филмот „Господин и госпоѓа Смит“, додека Пит сѐ уште беше во брак со актерката Џенифер Анистон. Џоли тоа не го признаваше, но рече дека се заљубила во Пит за време на снимањето.„Да бидам во врска со оженет човек, знаејќи дека мојот татко ја изневеруваше мајка ми, е нешто што не би можела да си го простам. Не би можела себеси да се погледнам во огледало. Не би можел ниту да ме привлече маж што ја изневерува својата жена“, изјави Џоли. Сепак, веќе слената година статусот на нивната врска беше потврден, кога јавноста дозна дека Џоли е бремена. По седум години и шест деца, објавија веридба во април 2012 година, а се венчаа на 23 август 2014 година. Иако ја поврзуваа со многу колеги, Џоли тврдеше дека спиела само со четворица мажи во животот, од кои со тројца била во брак. Меѓутоа, во интервју за „New York Post“ во 2004 година призна дека имала многу необврзувачки односи со мажи.„Две години поминав без мажи, а потоа одлучив да се зближам со некои со кои ми беа веќе пријатели. Тоа е зрел начин да бидете во зрела врска. Колку лудо и да звучи, сега можам да поднесам да се видам со маж во хотелска соба, а потоа да се вратам дома и да го заспијам синот и тој човек да не го видам во наредните неколку месеци. Можам да се почуствувам како жена и да се зближам со маж, но не во врска која влијае на моето семејство. Никогаш сум немала секс за една вечер и луѓето со кои сум била, многу добро го знаат тоа“, изјави Џоли.Џоли го поднесе барањето за развод две години откако се венчаа на својот имот во Франција. Во своето соопштение наведе дека тоа го прави заради здравјето на нејзиното семејство, а во судските документи како причина за разводот ги наведува непомирливите разлики. Двојката има шест деца, 15-годишниот Медокс, 12-годишниот Пакс, 11-годишната Захара, 10-годишниот Шајло и осумгодишните блзинаци Вивиен и Нокс. Наводно на сопругот му кажала дека сака развод само неколку дена пред да ги поднесе документите. Некои медиуми пишуваат дека актерката била несреќна подолго време и постојано се карале за нивната иднина. „Се обиде да го сочува бракот поради нивните деца, но почна да станува тешко да гради иднина со него. Нивните животи се движат во потполно различни правци. Анџелина сака да биде хуманитарка, додека Пит сѐ уште живее холивудски начин на живот е се наоѓа во некоја криза на средните години“, изјавил извор близок на семејството./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мрачните страни на секој од хороскопските знаци
Секој хороскопски знак носи своја темна страна која може да биде предизвик, но нуди и можност за личен раст и развој. Разбирањето и прифаќањето на овие помалку светли аспекти на нашите астролошки профили може да ни помогне да станеме подобри верзии на себе.
Што се крие во сенката на секој хороскопски знак.
Овен: Импулсивност и агресивност
Овните се познати по својата храброст и енергија, но нивната импулсивност може да ги доведе во неволја. Тие се склони кон ненадејни реакции и понекогаш агресивно однесување кога работите не одат според нивниот план.
Бик: Посесивност и материјализам
Бикот ја цени сигурноста и удобноста, што може да ги доведе до прекумерна посесивност и материјализам. Тие имаат тенденција да акумулираат имот до тој степен што може да ги задуши другите аспекти од нивниот живот.
Близнаци: Неконстантност и дволичност
Близнаците се прилагодливи и комуникативни, но нивната способност да ги гледаат работите од различни перспективи може да ги направи непостојани, а понекогаш и со две лица, збунувајќи ги оние околу нив.
Рак: Преосетливост и манипулативност
Раковите се исклучително емотивни и сочувствителни, но нивната пречувствителност може да ги доведе до емоционална манипулација со цел да го заштитат своето ранливо срце.
Лав: Егоизам и доминација
Лавовите се родени како лидери и сакаат да бидат во центарот на вниманието, но нивното его може да прерасне во себичност и потреба да доминираат, што може да ги отуѓи другите.
Девица: Перфекционизам и критичност
Девиците се познати по тоа што се методички и аналитички настроени, но нивниот перфекционизам може да доведе до парализа на анализата и прекумерна критика кон себе и кон другите.
Вага: Неодлучност
Вагите се стремат кон хармонија и рамнотежа, но нивната потреба да им угодат на сите може да резултира со неодлучност. Исто така, нивната фасцинација со убавината може да ги наведе да прават површни проценки на луѓето и ситуациите.
Шкорпија: Опсесивност и одмаздољубивост
Шкорпиите се интензивни и страсни, но нивните длабоки емоционални вложувања можат да станат опсесивни. Кога се повредени, можат да бидат крајно одмаздољубиви.
Стрелец: Непромисленост и тактичност
Стрелците се познати по својата искреност и оптимизам, но нивната директност може да биде непромислена и да ги повреди другите. Исто така, нивната желба за слобода може да ги доведе до неодговорно однесување.
Јарец: Песимизам и непопустливост
Јарците се дисциплинирани и амбициозни, но нивната тенденција да го гледаат светот црно-бело може да ги направи песимисти и крајно непопустливи.
Водолија: Отсуство и студенило
Водолиите се иновативни и неконвенционални, но нивната потреба за индивидуалност може да ги направи емотивно отсутни и ладни, што го отежнува градењето длабоки врски.
Риби: Се жртвуваат и бегаат од реалноста
Рибите се сочувствителни и интуитивни, но нивната тенденција да се жртвуваат за другите може да ги истроши. Исто така, нивната желба да избегаат од реалноста може да ги доведе до нездрави облици на бегство.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.