Daily news
Првпат организирана „трка“ меѓу квантните компјутери
Американските физичари кои го создадоа еден од најнапредните квантни компјутери минатата 2016 година, го спроведоа првиот споредбен тест меѓу два вакви уреда, а резултатите од експериментот ги објавија на електронската библиотека arXiv.org.
Без разлика на тоа што двата уреда работат на исклучително различно квантно ниво, тие може да бидат програмирани на ист начин, без разлика во „железото“. Ова овозможи првпат да се споредат функционирањата на дело на истите квантни алгоритами на физичките различни перформанси на компјутерите.
Секако станува збор за многу елементарни компјутери, кои не можат да се натпреваруваат со своите конвенционални „сродници“, но експериментот укажал на тоа дека е важно да се има предвид при проектирањето на поголемите квантни сметачи, појаснува Кристофер Монро од Универзитетот на американската сојузна држава Мериленд.
Квантниот компјутер на Монро е всушност збир од пет меѓусебно поврзани кубити (квантов бит ‘QuBit’ или најмалиот елемент за складирање информации во квантен компјутер), на основа на јони на итербиумот, еден од најпопуларните и добро истражуван материјали за производство на мемориските ќелии и наједноставните модули на сличните уреди.
Главната разлика меѓу компјутерот на Монро од сите други квантни компјутери се состои во тоа што тој може да биде репрограмиран директно во текот на работењето, без да се влијае врз елементите од тоа што е сработено. Монро и неговите колеги тоа го постигнале со комбинирањето на кубитите во своевиден „пентаграм“ и утврдувајќи како да управуваат со нивните состојби и врските меѓу нив користејќи ласери и магнетни полиња.
Другиот квантен компјутер, кој го разви компанијата IBM, работи според сосема различни основи, користејќи пет суперспроводливи кубити, собрани во „крст’.и микробранов систем за управување со нивните состојби. Контролата на него може да се изведува уште попросто, со користење на интерфејс, кој инженерите на ткн „синиот гигант“ го направија достапен за сите корисници на глобалната мрежа.
Монро го искористил слободниот пристап до компјутерот на IBM за првпат директно да ги се според колку брзо и прецизно работат неговиот компјутер и развиениот квантен компјутер на американската компанија.
Монро разработил група „квантни одредници“ односно едноставни алгоритами, коишто овозможуваат да се оцени точноста и брзината на компјутерите. На пример, научниците направиле на овие квантни компјутери универзални логички порти, коишто можат да ги вршат сите логички операции, како и неколку основни алгоритами за пресметување на својствата на материите и разложувањето на бројот на множителите.
Како што се покажало, секој од компјутерите има свои предности. Сметачот на Монро во некои случаи давал поточни резултати околу двапати почесто отколку оној на IBM, а, пак, квантниот систем на компанијата можела да реши задачи околу илјада пати побрзо, отколку уредот на научниците од Универзитетот Мериленд.
Според мислењето на Монро, точноста на работата на компјутерите сé уште е поважно од неговата брзина, бидејќи нивото на бучавата кога тие комуницираат меѓусебно ќе расте побрзо и побрзо при зголемувањето на бројот на кубитите во компјутерите. Затоа е потребно да се постигне речиси со 100-процентна точност работата на кубитите и само потао да се пристапи кон создавање на големи комбинации од ваквите квантни мемориски ќелии.
Во ваквите размислувања се согласни и во IBM. Нивните инженери веќе го обновиле компјутерот и го зголемиле бројот на врските меѓу кубитите, коишто, според инженерите, треба да ја зголемат точноста на работата на уредот., Натамошното зголемување на оперативната ефикасност ќе создаде „поголеми“ квантни компјутери, погодни за решавање на практично значајните задачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.