Методологија за сентимент-анализа на истражувачкиот центар на „Макфакс“

Сентимент-анализата е процес базиран на компјутерски алгоритми и има задача да одреди во каков контекст (многу негативен, негативен, неутрален, позитивен или многу позитивен) е напишан одреден текст или дел од текстот.

Овие алгоритми се изработени со помош на вештачка интелегенција (Artificial intelligence – AI), самоучечки машини (Machine learning -ML) и процесирање природни јазици (Natural-language processing – NLP). Во анализата се користи хибриден пристап со рекурентни (RNN) и конволуциски (CNN) невронски мрежи. Процесот на одредување на сентиментот на определен текст или коментар е целосно автоматизиран и во ниту еден момент врз него не влијае човечки фактор.

Системот пребарува над 220 медиуми, ги пронаоѓа и ги чита сите артикли што ги содржат бараните клучни зборови. Потоа го определува сентиментот на артиклот, односно контекстот во кој е напишан.

Тоа се однесува и за социјалните мрежи „Фејсбук“и „Твитер“. Тука се оценуваат објавите и коментарите на над 1.000.000 корисници, како и твитовите од 300.000 профили.
Тестирањата на платформата покажаа дека користените технологии даваат резултат со точност поголема од 80 проценти.