Црна хроника
Американец натепал тројца полицајци во станицата во Кисела Вода
Скопското Основно јавно обвинителство поведе постапка против 42-годишен државјанин на САД за кого постои сомнение дека сторил кривично дело – напад врз службено лице при вршење работи на безбедноста.
Како што информираат од МВР, утринава, странскиот државјанин бил приведен во Полициската станица Кисела Вода поради претходно сторен прекршок против јавниот ред и мир.
Додека влегувал во ходникот на станицата, почнал агресивно да се однесува и да удира со рацете и нозете по инвентарот. Кога еден од полициските службеници го предупредил да престане со агресијата, осомничениот се свртел кон него и му задал повеќе удари со тупаница во лицето нанесувајќи му телесни повреди.
Во тој момент уште двајца полицајци се обиделе да го совладаат, но осомничениот и нив почнал да ги удира со тупаници нанесувајќи им повреди.
По извесно време, полициските службеници успеале да го совладаат осомничениот.
Бидејќи во конкретниот случај не постои друга можност за обезбедување на присуството на насилникот во текот на постапката, јавниот обвинител доставил предлог за определување мерка притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.