Ноќеска околу 00:30 часот на улицата „Едип Папранику“ во Дебар, полициски службеници од Полициската станица за граничен премин и граничен надзор Блато ги лишиле од слобода 28-годишниот А.Л. и 23-годишниот А.Л. двајцата од Дебар.

Претходно, тие го нарушиле јавниот ред и мир со физичка пресметка со неколку други лица, при што 28-годишниот А.Л. со тврд предмет нападнал полициски службеник додека извршувал службени дејствија, а потоа побегнале. Набргу, по преземени мерки, било запрено патничко возило „опел корса“, управувано од 28-годишниот А.Л., а сопатник бил 23-годишниот А.Л. и при извршени проверки е констатирано дека 28-годишниот возач го управувал возилото под дејство на алкохол, односно дека има 1,65 промили алкохол во крвта и не поседува возачка дозвола за управување на моторно возило. Лицата се лишени од слобода, а возилото одземено.

Вчера во 22:40 часот на излез од село Ратавица кон село Трипатанци, пробиштипско, полициски службеници од ОВР Пробиштип го лишиле од слобода 57-годишниот Ж.К. од село Трипатанци. При контрола во сообраќајот, полициските службеници сопреле патничко возило „југо“ без регистарски ознаки, кое го управувал, и по преземени мерки е констатирано дека го управувал возилото без да се стекне со право на управување на возило од Б категорија. Известен е јавен обвинител и по негова насока возилото е привремено одземено.

Вчера во 23:00 часот на булеварот „Благоја Тоска“ во Тетово, полициски службеници од Полициска станица за безбедност на патниот сообраќај Тетово го лишиле од слобода 43-годишниот А.И. од Тетово. При сообраќајна контрола, полициските службеници сопреле патничко моторно возило „фолксваген голф“ со тетовски регистарски ознаки, кое го управувал и по преземени мерки било констатирано дека го управувал возилото за време на активна забрана за управување со моторно возило. По насоки на јавен обвинител, возилото е привремено одземено за понатамошна постапка,

Вчера во 12:30 часот на наплатна станица „Градско“ во Велес, полициски службеници од Полициската станица за граничен надзор Михајлово го лишиле од слобода 22-годишниот Б.П. од Неготино. При контрола во сообраќајот, полициски службеници запреле патничко возило „сеат толедо“ со скопски регистарски ознаки, управувано од Б.П. и по извршени проверки е констатирано дека го управувал возилото пред да се стекне со право на управување со моторно возило. По добиени насоки од јавен обвинител, Б.П. е лишен од слобода, а возилото и возачките документи се одземени.

Вчера во 19:00 часот на улицата „Методија Џунов Џико“ во Кавадарци, полициски службеници од ОВР Кавадарци го лишиле од слобода 43-годишниот С.Ф. од Кавадарци. При контрола во сообраќајот, полициски службеници запреле патничко возило „фолксваген пасат“ со велешки регистарски ознаки, управувано од С.Ф. и по извршени проверки е констатирано дека го управувал возилото пред да се стекне со право на управување со моторно возило. По добиени насоки од јавен обвинител, А.И. е лишен од слобода, а возилото и возачките документи се одземени.

Вчера во 17:35 часот на улицата „11 Септември“ во Кичево, полициски службеници од ОВР Кичево го лишиле од слобода 21-годишниот Ф.Т. од село Стрелци, кичевско. При контрола во сообраќајот, полициски службеници запреле патничко возило „рено клио“ со кичевски регистарски ознаки, управувано од Ф.Т. и по извршени проверки е констатирано дека го управувал возилото пред да се стекне со право на управување со моторно возило. По добиени насоки од јавен обвинител, Ф.Т. е лишен од слобода, а возилото и возачките документи се одземени.

Вчера во 14:30 часот на улицата „Борис Кидрич“ во Кичево, полициски службеници од ОВР Кичево го лишиле од слобода 32-годишниот Џ.А. од Прилеп. При контрола во сообраќајот, полициски службеници запреле патничко возило „опел“ со прилепски регистарски ознаки, управувано од Џ.А. и по извршени проверки е констатирано дека го управувал возилото, пред да се стекне со право на управување со моторно возило. По добиени насоки од јавен обвинител, Џ.А. е лишен од слобода, а возилото и возачките документи се одземени.

По целосно документирање на случаите, против нив ќе бидат поднесена соодветни пријава.