Црна хроника
Во скопски трговски центар со смртни закани се обиделе од маж да изнудат 10 илјади евра
Основното јавно обвинителство Скопје поднесе обвинение против две лица за сторено кривично дело изнуда поради тоа што во скопски трговски центар на 14 декември минатата година со умисла се обиделе да присилат оштетено лице да им даде 10.000 евра.
Двајцата обвинети, заедно со уште едно лице, кое е во бегство, дејствувале како група со намера да изнудат пари и употребиле сериозна закана за животот на оштетениот.
Како што информираат од Обвинителството, обвинетите неколку дена претходно телефонски му се јавиле на оштетениот и го принудиле на средба на која агресивно се однесувале и упатувале закани за неговиот и за животот на членовите на неговото семејство барајќи да им исплати 10.000 евра.
Оштетениот се согласил да се сретне со нив на 14 декември 2018 година во еден скопски трговски центар и да им ги даде парите, но намерата ја пријавил во полиција, од каде што му биле дадени обележани банкноти.
Групата се упатила на договорената средба и пред трговскиот центар се раздвоиле. На оштетениот му пристапил еден од обвинетите, а другите двајца го чекале во близина.
Но, разбојникот што разговарал со оштетениот ги забележал полициските службеници задолжени да го чуваат, па почнал да бега и заминал во непознат правец. Другите двајца обвинети биле затекнати во близина на местото на настанот и задржани од страна на полицајците поради што не успеале да го довршат делото.
Во текот на истражната постапка било утврдено дека една од обвинетите во периодот од 17 октомври 2016 година до 21 јули 2017 година со умисла во повеќе наврати зела парични средства од истото оштетено лице.
Таа му се заканувала на оштетениот дека за него ќе открие нешто што може да му наштети на неговата чест или неговиот углед и со тоа го присилила да ѝ даде 10.500 евра и уште 450.000 денари.
Така, обвинетата сторила продолжено кривично дело уцена, па обвинителниот акт за неа се однесува и на ова кривично дело.
За двајцата обвинети, надлежниот јавен обвинител до судот доставил и предлог за продолжување на мерката притвор ценејќи дека и натаму постојат сите околности поради кои и претходно им била изречена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен крадец во Кавадарци
Вчера во 18.50 часот во Кавадарци, полициски службеници од ОВР Кавадарци го привеле Ф.Ј.(18) од Кавадарци.
Тој се сомничи дека извршил „кражба“ од дворот на манастирот „Свети Никола Моклишки“ во атар на с.Ваташа, кавадаречко, при што одзел повеќе предмети. Кај него биле пронајдени одземените предмети и биле вратени на сопственикот.
За настанот бил известен јавен обвинител и по негово документирање ќе биде поднесена соодветна пријава.
Црна хроника
167 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 167 мерки, меѓу кои за возење повеќе од дозволената брзина 16 санкции, 10 мерки за возење без возачка дозвола, 14 санкции за минување на затворен сигнал – црвено светло, девет мерки за користење на мобилен телефон при возење…
Црна хроника
Четири лица искасани од кучиња скитници во Скопје
Четири лица пријавиле во полициска станица дека биле искасани од кучиња скитници вчера во Скопје.
На 26.03.2024 во 12.55 часот во Полициската станица Центар, А.К.(24) од Прилеп пријавил дека на ул.„Орце Николов“ во Скопје бил каснат од куче скитник.
На 26.03.2024 во 13.35 часот во Полициската станица Центар, И.А.(60) од Скопје пријавил дека на ул.„Радњанска“ во Скопје бил каснат од куче скитник.
На 26.03.2024 во 13.50 часот во Полициската станица Центар, В.В.(57) од Охрид пријавил дека во Скопје, на подрачјето на Центар бил каснат од куче скитник.
На 26.03.2024 во 12.45 часот во Полициската станица Аеродром, Д.К.(53) од Скопје пријавила дека на ул.„Беласица“ во Скопје била касната од куче скитник.