Приведено е лице од Беровско, кое самоволно фингирало изнуда за да земе 10.000 евра од својот татко.

Од полицијата информираат дека станува збор за 29-годишник со иницијали М.П. од селото Будинарци, Беровско.

Тој во текот на вчерашниот ден измислил сопствено наводно грабнување, за кое подоцна изјавил дека го сторил од финансиски причини.

Неговиот 57-годишен татко, вчера околу 18 часот во полицијата во Берово пријавил дека добил смс-порака од телефонот на неговиот син, со која се барало изнуда од 10.000 евра за да биде пуштен неговиот син, а порака со слична содржина добила и неговата снаа.

На разговор во полицијата биле повикани братот на пријавениот и сопругата на пријавениот, чиј мобилен телефон со потврда бил привремено одземен.

Во меѓувреме, таткото ги оставил парите на наведената локација, по што неговиот син се вратил дома.

Синот бил повикан на разговор во полицијата каде го признал делото.

Парите биле пронајдени и вратени на неговиот татко.

Полицијата синоќа приведе три лица од Гостивар поради трговија со кокаин.

Станува збор за лицата К.М.(30), К.О.(20) од Гостивар и О.С.(19) од селото Горна Бањица, гостиварско.

„При преглед кај К.М. биле пронајдени пет пакувања кокаин, кој сакал да им го продаде на К.О. и С.О.. Сите тројца биле приведени во Полициска станица Гостивар и по целосно документирање на случајот против нив ќе биде поднесена соодветна пријава по чл.215 и чл.216 од Кривичниот законик“, информираат од полицијата.

Жена заврши со тешки телесни повреди во сообраќајна несреќа што се случи вчера на улицата „Јадранска магистрала“.

Станува збор за 40-годишна жена од селото Волково, која управувајќи автомобил се судрила со 32-годишник од Косово, информираат од полицијата.

Жената е пренесена во Градската општа болница „8 Септември“.

Увид на местото извршила екипа од СВР Скопје.