Триесет и едногодишен маж од Велес вчера бил приведен, откако девојка го пријавила во полицијата поради обид за силување.

Таа навела дека инцидентот се случил околу 2 часот, на автопат Скопје -Велес во близина на исклучокот за манастирот Свети Јован, додека таа се превезувала во неговиот автомобил. Според пријавеното, тој физички ја нападнал и се обидел да изврши обљуба.

За настанот е известен јавен обвинител, и се преземаат мерки за расчистување на случајот.

Taтко на момче кое починало во сообраќајна несреќа, нападнал лекар од Итната медицинска помош.

Лекарот бил на интервенција по претходно случена сообраќајна незгода на пат Куманово-Свети Николе, во близина на селото Добршане.

„Тој бил навредуван од две непознати лица, роднини на починатиот , по што од таткото на починатиот бил физички нападнат“, информираат од полицијата.

Се преземаат мерки за расчистување на случајот.

Триесетгодишен маж од Неготино е уапсен бидејќи во возилото кое го управувал превезувал мигранти. Тој бил фатен вчера утрото во близина на раскрсница кај с.Црвени брегови на регионалниот пат Неготино – Градско.

При негово запирање биле пронајдени три лица-мигранти од Бангладеш. За настанот е известен јавен обвинител и по негови насоки мигрантите се сместени во ПТЦ-Винојуг Гевгелија, додека пријавениот е предаден на полициски службеници од Полициска станица Неготино и против него ќе биде поднесена кривична пријава поради основано сомнение за сторено кривично дело „криумчарење мигранти“.