Објавено е ново видео од упадот на приврзаниците на американскиот претседател во заминување Доналд Трамп во зградата на американскиот Конгрес во Вашингтон на 6 јануари.

 

View this post on Instagram

 

A post shared by Michael Rapaport (@michaelrapaport)

Снимката, направена од воениот дописник Лук Могелсон, покажува упад на стотици десничари во Капитол меѓу кои и т.н. водач на групата Џејк Анџелио (33), познат и како „човекот со рогови“.

На самиот почеток на видеото се гледа како Џејк влегува во Сенатот и поздравува група луѓе, во присуство на полицијата.

Потоа тој влегува во конгресната сала и претура по масата на потпретседателот Мајк Пенс.

Македонската ракометна репрезентација по двата високи порази во пресметките со Шведска и домаќинот Египет, ја забележа првата победа на Светското првенство во ракомет, победувајќи го Чиле со 32:29 (16:17) за да обезбеди пласман во главната рунда на Мундијалот.

Чилеанците, каде што главни ѕвезди се браќата Ервин и Емил Феухтман, кои играат во француската лига, се покажаа како опасен противник, посебно во првото полувреме, но кога беше најважно нашите репрезентативци покажаа дека се поквалитетен тим и ја забележавма третата победа во третиот меч на СП против јужноамерикаскиот противник.

Со победата, Македонија обезбеди пласман во главната фаза на СП, поточно во групата 4, каде што ќе играме со репрезентациите на Русија, Белорусија и Словенија, три многу тешки противници.

Капитенот Кирил Лазаров беше најефикасен со седум постигнати голови, Жарко Пешевски додаде 5, колку што имаше и Никола Костески. За Чиле, Естебан Салинас заврши со осум гола.

СП РАКОМЕТ ЕГИПЕТ 2021

ГРУПА Г

Македонија – Чиле 32:29 (16:17)

Шведска – Египет 18.00 ч.

Табела: 1.Шведска 4, 2.Египет 4, 3.Македонија 2, 4.Чиле 0

ГРУПА Х

Русија – Јужна Кореја 30:26 (15:15)

Белорусија – Словенија 18.00 ч.

Табела: 1.Русија 5, 2.Белорусија 3, 3.Словенија 2, 4.Ј.Кореја 0

Фото: СП Египет 2021

Во последните 24 часа во Македонија се потврдени 63 нови случаи на коронавирус, 13 лица починаа, а 176 оздравеа, соопшти Министерството за здравство.

Направени се 529 тестирања, а во Скопје се потврдени 42 нови случаи, во Куманово – 3, Тетово – 2, Прилеп – 2, Гостивар – 1, Штип – 1, Битола – 1, Велес – 2, Охрид – 1, Струмица – 2, Кавадарци – 1, Неготино  -1, Виница – 1, Пробиштип – 2, Крушево – 1.

Денеска Институтот за јавно здравје регистрира 176 оздравени пациенти од: Скопје – 101, Штип – 7, Битола – 4, Охрид – 22, Кавадарци – 9, Струга – 4, Кочани – 4, Неготино – 5, Дебар – 7, Крива Паланка – 3, Ресен – 2, Радовиш – 1, Берово – 3, Пробиштип – 2, Демир Капија – 2.

Починати се 13 лица, пет пациенти од Скопје (69, 72, 77, 66 и 66г), два од Велес (66 и 80г), три од Струга (74, 87 и 73г), еден пациент од Кратово (52г), еден од Крушево (79г) и еден од Демир Капија (62г). Пациентите се починати во болнички услови.

Вкупната бројка на ковид дијагностицирани во нашата земја од почетокот на епидемијата изнесува 88.992, бројката на оздравени пациенти е 73.777, на починати е 2.715, а бројот на активни случаи изнесува 12.500.

Досега во земјата се направени вкупно 432.241 тестирања на Ковид -19.