Едукација и обука на полициски службеници во СВР Охрид

Републичкиот совет за безбедност на сообраќајот на патиштата и Министерството за внатрешни работи  согласно  своите надлежности и согласно  приоритетите, целите и мерките од  Втората национална стратегија   2015-2020,  во Охрид ја организираат првата од серијата дводневни работилници  за надлежните лица од  МВР  на  која преку  размена на искуство, знаење и информации  ќе се  анализираат состојбите со безбедноста на патниот  сообраќај на локално ниво, начините на работа и ќе се  дефинира пристап, методи и мерки како актуелната  состојба може да се подобри односно да се намали бројот на загинати и повредени лица.

Црната статистика,  за 2016 година, покажува дека на територијата на Република Македонија  165  лица го загубиле животот  во сообраќајни незгоди, а 843  се тешкo повредeни. Статистичките податоци   исто така покажуваат  дека на подрачјето на СВР Охрид, во 2016 година се случени 287 сообраќајни несреќи со потешки последици, од кои во 21 несреќа има загинато лице, а во 266 сообраќајки има повредени лица. При тоа во овие сообраќајки 25 лица го загубија животот,  а  59  лица се тешко повредени.