Црна хроника
Ексдиректор на основно училиште во Демир Хисар незаконски склучил договор со агенција за обезбедување
Надворешната канцеларија за криминалистички работи Демир Хисар поднесе кривична пријава против 51-годишниот Ќ.Р. од село Слепче, Демирхисарско, поради постоење основи на сомнение за сторени три кривични дела злоупотреба на службената положба и овластувањето.
Во периодот од 18.2.2016 до 18.2.2017 и во периодот од 2.5.2017 до 31.4.2018, пријавениот како директор на средното општинско училиште „Крсте Петков Мисирков“ во Демир Хисар, спротивно на одлуката на Владата од 29.7.2013, склучил договор со агенција за обезбедување за патролно обезбедување на училиштето, со што му нанел штета од 58.390 денари на буџетот на училиштетo.
Исто така, во периодот од март 2016 до 31.12.2018, пријавениот, спротивно на Законот за средното образование, односно без согласност од Министерството за образование, држел настава по предметот историја во наведеното училиште за што му биле исплаќани дополнителни 3.728 денари во рамките на месечните примања, со што стекнал противправна имотна корист од 82.016 денари на штета на буџетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.