Рано утрово околу 6 часот и 25 минути во полиција било пријавено дека во кочанското село Грдовци настанал пожар во куќа во сопственост на 48-годишниот А.J.

Откако интервенирала противпожарна екипа, В.Ј.(71) била извадена од куќата и пренесена во медицинскиот центар во Кочани за укажување лекарска помош, додека кај А.Ј. била констатирана смрт.

Полицијата извршила увид и се преземаат мерки за расчистување на случајот.

Министерството за внатрешни работи во текот на вчерашниот ден продолжи со засилените акциски контроли во областа на сообраќајот. Само на територијата на град Скопје изречени се вкупно 202 мерки, меѓу кои за возење без возачка дозвола 17 санкции, 19 мерки за технички неисправни и нерегистрирани возила, 22 за користење мобилен телефон. Изречени се седум санкции за непочитување на брзината на движење, пет за минување на затворен сигнал (црвено светло), 58 мерки за непрописно паркирани возила и 20 санкции за неносење заштитна маска.

„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, велат од МВР.

Во текот на изминатото деноноќие на територијата на Република Северна Македонија во однос на мерката за носење лична заштита на лицето регистрирани се 358 прекршоци.

Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид-19.