Контакт

Топ

Злетовец голтнал прашок за да го скрие од полицијата по што починал

Објавено пред

На Граничниот премин Делчево за влез во државава, во вечерните часови на 14. декември се пријавил 32-годишен злетовец. Тој управувал автомобил „мини купер“ со бугарска национална ознака, а како совозач со него било 18-годишно лице од Пробиштип.

Службениците на граничниот премин извршиле преглед над лицата и на нивниот личен багаж, при што кај злетовецот била пронајденa кесичка со непозната прашкаста материја. Додека траела постапката на царинските службеници, во еден момент 32-годишникот ја земал кесата ја скинал најлонската фолија и непознатата материја ја голтнал.

Веднаш била повикана екипа на Итна медицинска помош и злетовецот бил префрлен во Здравствен дом Делчево, каде по неколку часа починал.

Од МВР информираат дека за случајот известен е јавен обвинител по чија наредба телото е предадено за обдукција. Се преземаат мерки за расчистување на случајот.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Кашоги е жртва на намерна, претходно испланирана егзекуција – покажа независната истрага на ОН

Објавено пред

Саудискиот новинар Џамал ​​Кашоги е жртва на намерна, претходно испланирана егзекуција, заклучи специјалниот известувач на Обединетите нации, Агнес Каламард, по завршувањето на првата независна истрага за неговата смрт.

Во долгоочекуваниот извештај, кој денеска е објавен, Каламард го посочува и виновникот за убиството: Саудиска Арабија, во согласност со меѓународното право, е одговорна за убиството на Кашоги, објави Си-ен-ен.

Овој истакнат новинар и колумнист во „Вашингтон пост“ беше убиен кога влезе во саудискиот конзулат во Истанбул во октомври 2018 година. На почетокот Саудијците тврдеа дека Кашоги излегол од конзулатот и дека тој бил убиен во борба со непријателски саудиски агенти, но на крајот саудискиот државен обвинител призна дека убиството на Кашоги било испланирано.

Кашоги, кој често го критикувал саудискиот принц, избега во САД стравувајќи за својот живот во Саудиска Арабија.

Саудиска Арабија продолжува да инсистира на тоа дека ниту принцот Мохамед бин Салман ниту кралот Салман не знае ништо за планираното убиство на Кашоги. Меѓутоа, американски официјални претставници тврдат дека таквата мисија, вклучувајќи и 15 саудиски агенти кои од Ријад заминале во Истанбул непосредно пред убиството, не можела да биде извршена без дозвола на принцот Бин Салман.

Прикажи повеќе...

Екологија

Арктичкиот вечен лед се топи 70 години порано од очекувањата на научниците

Објавено пред

Пермафрост или трајно замрзнатата почва во канадскиот дел на Арктикот почнала да се топи 70 години порано од прогнозите на научниците, пишува британски „Гардијан“.

Научниците од универзитетот „Алјаска Фербенкс“ се зачудени од тоа колку бргу серијата невообичаено топли лета ги дестабилизирала горните слоеви од огромните ледени блокови кои се опковани со мраз илјадници години. Експертите сметаат дека ова е знак оти глобалните климатски промени се случуваат побргу од очекуваното.

„Она што го видовме беше неверојатно“, вели геофизичарот Владимир Романовски за „Ројтерс“. „Ваквата ситуација покажува дека климата сега е потопла од кој било период во последните 5.000 или повеќе години“, додава тој.

Научниците се загрижени за состојбата на мразот бидејќи брзото топење може да ослободи големи количини стакленички гасови, што дополнително ќе го забрза глобалното затоплување.

Предупредуваат и дека брзиот пораст на глобалната температура може да ја загрози одржливоста на целата индустриска цивилизација.

„Топењето на вечниот лед (пермафрост) е една од критичните точки што најавува почеток на климатска катастрофа, а веќе се случува пред нашите очи“, вели Џенифер Морган, извршна директорка на организацијата „Гринпис интернешнл“.

„Ова предвремено одмрзнување е јасен сигнал дека треба да ги намалиме емисиите на стакленички гасови и дека треба веднаш да го сториме тоа“, додава таа.

Прикажи повеќе...

Македонија

Заев: Ниту една земја членка на ЕУ не е против отворањето преговори со Северна Македонија

Објавено пред

Ниту една земја членка на Европската Унија не е против отворањето преговори со Северна Македонија, изјави премиерот Зоран Заев на новинарско прашање кои земји вчера на Советот на министрите за надворешни работи на ЕУ биле против отворањето преговори со Северна Македонија.

„Порано имаше земји против и ГАК (Совет за општи работи на Унијата) не носеше вакви заклучоци. Нема ниедна земја против. Напоменувам – нема земја против отворањето преговори за да може ГАК да донесе ваков заклучок и да му го предложи на Европскиот совет, така што имаме консензуална одлука“, рече Заев.

Тој апелира до граѓаните да се радуваат за оваа историска одлука за нашата земја. Заев рече дека преговорите ќе почнеле во јуни ако не биле изборите за Европскиот парламент.

Пратеникот од ВМРО-ДПМНЕ, Антонијо Милошоски, претходно на „Твитер“ објави дека против отворање на преговорите вчера гласале Франција, Холандија, Германија, Данска, Луксембург, Белгија и Шпанија. Според него, 12 земји членки биле „за“ преговори: Полска, Унгарија, Словачка, Чешка, Италија, Словенија, Хрватска, Бугарија, Романија, Естонија, Латвија, Литванија. Другите, меѓу кои и Грција, биле воздржани.

Министрите за надворешни работи на Европската Унија вчера не се согласија за доделувањето датум за почеток на преговорите за Северна Македонија, но и за Албанија. Тие се договорија најдоцна до октомври да се навратат на ова прашање.

„Потврдувајќи ги своите заклучоци од 26 јуни 2018 година, Советот силно го поздравува историскиот преспански договор, како и договорот за добрoсоседски односи со Бугарија, и се осврна на препораките на Комисијата за отворање пристапни преговори со Република Северна Македонија врз основа на нејзината позитивна оценка за постигнатиот напредок и исполнувањето на условите утврдени од Советот. Поради ограниченото време на располагање и важноста на предметот, Советот ќе се врати на ова прашање со цел да се постигне јасна и суштинска одлука што е можно побргу и не подоцна од октомври 2019 година“, се наведува во заклучокот на Советот за општи работи на Унијата.

Прикажи повеќе...

Најново

Свет34 минути

Кашоги е жртва на намерна, претходно испланирана егзекуција – покажа независната истрага на ОН

Саудискиот новинар Џамал ​​Кашоги е жртва на намерна, претходно испланирана егзекуција, заклучи специјалниот известувач на Обединетите нации, Агнес Каламард, по...

Екологија1 час

Арктичкиот вечен лед се топи 70 години порано од очекувањата на научниците

Пермафрост или трајно замрзнатата почва во канадскиот дел на Арктикот почнала да се топи 70 години порано од прогнозите на...

Македонија1 час

Заев: Ниту една земја членка на ЕУ не е против отворањето преговори со Северна Македонија

Ниту една земја членка на Европската Унија не е против отворањето преговори со Северна Македонија, изјави премиерот Зоран Заев на...

Топ2 часа

Откриени злоупотреби со службени возила во општина Велес, полицијата поднесе пријави

Поранешен градоначалник и поранешен претседател на Советот на Општина Велес се обвинети за злоупотреба на службената положба. Според велешкото Обвинителство,...

Свет2 часа

Русија претстави доказ дека терористите се обидуваат да добијат биолошко оружје

Меѓународните терористи се обидуваат да добијат пристап до нуклеарно и биолошко оружје, а и до токсични хемикалии за да ги...

Свет5 часа

Во земјотресот во Јапонија повредени 26 лица

Најмалку 26 лица се повредени, од кои едно критично, кога земјотрес со јачина од 6,7 степени го погоди во вторникот...

Свет5 часа

(Видео) Запленети 16,5 тони кокаин во Филаделфија вреден една милијарда долари

Американските власти открија 16,5 тони кокаин во товарен брод „МСЦ Гајан“ во пристаништето во Филаделфија. Станува збор за една од...

Македонија18 часа

Заев очекува формален почеток на преговорите со ЕУ до крајот на годинава

Задоволни сме од денешниот заклучок на Советот на министри, но тој ќе значи целосен успех во октомври, кога ќе се...

Свет18 часа

Трамп на „Твитер“ најави масовни апсења на мигранти

Претседателот на САД, Доналд Трамп, на „Твитер“ најави масовни апсења на мигранти. Иронично за објавата на Трамп е дека големите миграциски...

Топ20 часа

Маж и жена од Тетово сексуално експлоатирале 15-годишно девојче

Жена од Тетово и нејзиниот сосед сексуално експлоатирале 15-годишно девојче. Тие договарале сексуални услуги на интернет и го носеле девојчето...

Македонија21 час

ЕУ не определи датум за почеток на преговори со Северна Македонија

Министрите за надворешни работи на Европската Унија на Советот за општи работи на Унијата во Луксембург не се согласија околу доделувањето...

Европа22 часа

(Видео) Меркел, поради дехидрација, неконтролирано се тресеше на пречекот на Зеленски

Германската канцеларка, Ангела Меркел, изгледаше како да не ѝ е добро и нејзиното тело неконтролирано се тресеше додека денеска во...

Македонија1 ден

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија1 ден

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Свет1 ден

ОН: Светското население ќе порасне на 9,7 милијарди до 2050 година

Населението во светот старее и иако бројот на жители расте со побавно темпо, сепак се очекува негово зголемување од сегашните...

Регион1 ден

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Македонија1 ден

Сведок на СЈО: Знаевме каде и како Мијалков и Грујевски се логираат за да прислушуваат

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека...

Спорт1 ден

Мишел Платини уапсен за доделување на СП во 2022 на Катар!

Поранешниот претседател на УЕФА и легенда на францускиот фудбал, Мишел Платини, е уапсен во Нантер, предградие на Париз, поради одлуката...

Свет1 ден

(Видео) Во земјотресите во Кина загинаа 12, а повредени се 134 лица

Бројот на загинати во двата силни земјотреса во Кина се искачи на 12, а бројот на повредени на 134. Спасителите...

Свет1 ден

(Видео) Четворица повредени, пукотници и стампедо на прослава во Торонто

Четири лица се ранети при пукање на прославата на првата шампионска титула во НБА-лигата на Торонто репторс на плоштадот „Нејтан...

Досие