Црна хроника
Зоран Роџер бара помош, исчезнал син му Давид
Скопјанецот Зоран Илиев, познат во јавноста како Зоран Роџер, бара помош за да го пронајде својот син Давид за кого вели дека исчезнал изутринава.
Давид има 28 години, висок е 182 сантиметра, слаб, со кафева коса, облечен во црн капут.
„Случајот е пријавен во полиција, ги молам сите што имаат информација за син ми, да се јават на телефонските броеви 071 229 903 и 075 363 665. Давид исчезна во Скопје, јас сум моментно во Австралија“, вели Илиев во изјава за медиумите.
На социјалната мрежа „Фејсбук“ попладнево се шири апел во кој се бара помош од скопјани за да го пронајдат Давид.
„Исчезнат е синот на Илиев Зоран – Роџер. Зоран и неговото семејство се во Австралија и, за жал, не може ништо да направат од таму! Затоа овој апел е до сите нас од Скопје! Оставете сè и почнете да го барате Давид! Почнете од Вардар, кејот на Вардар околу Аеродром, околните паркови во Аеродром и да го превртиме цело Скопје! Ве молам, ургентно е, можеби од нас зависи сè во моментот!
Дечкото, за жал, бил во депресија последниов период. Исчезнат е од утринава од 10 часот во населбата Аеродром! Пријавено е во полиција, но според законите, полицијата ќе чека да изминат 24 часа! Затоа ќе мора да реагираме сите ние веднаш! Да станеме сите и да ја почнеме потрагата! Му требаме на семејството!
П.С. Не вознемирувајте го семејството непотребно, освен ако немаме сигурна информација, ве молам! Доколку има некое инфо, јавете на 071 229 903 или 075 363 665“, се вели во апелот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.