Црна хроника
Измамиле старец и му зеле 5000 евра
Две непознати лица измамиле 76-годишен старец и му одзеле 5000 евра.
Според информациите, додека старецот се враќал дома, му се доближило едно лице и му се претставило дека е од Србија и направило сообраќајна незгода со еден Израелец, кој барал да му плати 5000 евра. По кратко време дошло друго лице и се претставило како Израелец и рекол дека жена му била во болница и дека му требале пари за да му плати на лекарот.
Тој му побарал да му даде 5000 евра само да ги покаже на докторот за да ја лекува неговата жена, а потоа ќе извадел пари и ќе му плателе на лекарот. С.А. од банка извадил пари и му ги дал на лицето што се претставил дека е од Израел, а како гаранција му оставил три златника. Откако ги зеле парите, заминале и не се вратиле, по што С.А. сфатил дека бил измамен.
Се преземаат мерки за целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Лишен од слобода маж од скопско, пукал кон соселанец и му нанел повреда
Полициски службеници од Полициската станица Ѓорче Петров, денеска го лишиле од слобода Г.А. (43) од село Шишево, скопско, по пријава дека пукал со огнено оружје кон соселанец и му нанел повреда.
Како што информираат од МВР, денеска околу 16:10 часот И.Ш. од село Шишево пријавил дека на влезот во селото бил пресретнат од Г.А. и С.А., по што Г.А. извадил пиштол и испукал кон него. Притоа, пријавителот се здобил со повреда во пределот на увото.
Полициските службеници по пријавата презеле мерки и го лишиле од слобода лицето Г.А..
По целосно расчистување на случајот ќе биде поднесена соодветна пријава.
Црна хроника
МВР: Лишени од слобода 21 возач за безобѕирно управување возило
Во текот на изминатото деноноќие на целата територија на државата, полициските службеници лишиле од слобода 21 возач за безобѕирно управување возило, од кои 13 возеле без возачка дозвола, седуммина под дејство на алкохол и еден со забрана за управување возило, информираат од Министерството за внатрешни работи.
Од вкупно 13 кои возеле без возачка дозвола петмина се во Скопје, двајца во тетовско и по еден во Македонска Каменица, Куманово, Гостивар, Кичево, Дебар и Битола). Од седуммина под дејство на алкохол тројца се во Скопје и по еден во Свети Николе, Куманово,Тетово и Велес, а еден возач во Кичево возел и покрај тоа што имал забрана за управување возило.
Од МВР информираат дека по целосно документирање на случаите ќе бидат поднесени соодветни кривични пријави и апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.
Црна хроника
Битолчанец тешко повреден по пад од мопед во демирхисарско село
Триесет и деветгодишен маж од Битола се здобил со тешки телесни повреди откако паднал од мопед на локален пат во село Обедник, општина Демир Хисар.
Како што информира МВР, несреќата се случила вчера околу 18:20 часот, кога Б.Ј. (39) управувајќи мопед со битолски регистарски ознаки изгубил контрола и паднал на коловозот.
Повредите биле констатирани во Клиничката болница Битола.
Увид на местото на настанот извршила увидна екипа на СВР Битола.
