Црна хроника
Истрага против двајца скопјани што пренесувале над 150 килограми дрога
Скопското Основно јавно обвинителство ќе спроведе истрага со која се опфатени двајца скопјани за кои постои сомнение дека сториле кривично дело неовластено производство и пуштање во промет наркотични дроги.
Еден од осомничените се гони и за кривично дело неовластено изработување, држење, посредување и тргување со оружје.
Како што информираат од Обвинителството, двајцата осомничени скопјани, на возраст од 30 и 51 година, во два автомобила на автопатот „Пријателство“, во правец од Скопје кон Велес, пренесувале марихуана, која била пронајдена и одземена при извршена полициска контрола.
Во првиот автомобил „фолксваген туран“ била пронајдена вреќа со 92.447 грама марихуана, а во вториот автомобил „опел зафира“ биле откриени 60.540 грама марихуана спакувани во патна торба.
Со наредба издадена од Основниот кривичен суд Скопје, извршен бил претрес и во домовите на двајцата осомничени, при што во домот на 30-годишникот во Визбегово биле пронајдени уште 16.213 грама марихуана, но и 11 куршуми во калибар 7,62 Х 39 милиметри, кои неовластено ги држел.
Надлежниот јавен обвинител до судија на претходна постапка доставил предлог за определување притвор за двајцата осомничени ценејќи дека постои опасност од бегство, можност да влијаат врз сведоци и особени околности што упатуваат дека би можеле да го повторат кривичното дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело – Тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.