Црна хроника
Казнети 12 возачи кои зборувале на мобилен
Во текот на изминатиот ден на подрачјето на Секторот за внатрешни работи Скопје се случиле вкупно девет сообраќајни незгоди од кои една сообраќајна незгода со загинато лице, две со тешки телесни повреди, една со телесни повреди и пет со материјална штета.
Во сообраќајните незгоди едно лице го загубило животот, две лица се здобиле со тешки телесни повреди и едно лицe се здобило со телесни повреди. Од преземените мерки и активности констатирано е дека 17 возачи управувале возило со брзина поголема од дозволената. Од сообраќај се исклучени 11 возачи, од кои двајца затоа што управувале возило под дејство на алкохол и девет возачи затоа што управувале возила без да се стекнат со право за управување моторно возило. Исто така, исклучени од сообраќај се и седум возила бидејќи пет биле нерегистрирани и две возила биле технички неисправни.
Санкционирани се седум возачи поради поминување крстосница на црвено светло, девет поради неправилно престројување, пет возачи поради неправилно престигнување, еден возач поради не давање првенство на минување на возила во зона на крстосница, двајца поради не носење пропишана зимска опрема, 19 возачи поради не носење сигурносен појас и 12 возачи поради користење мобилен телефон при управување со возило. Во однос на пешаците, санкционирани се шест пешаци поради поминување коловоз на црвено светло. Во текот на изминатиот ден издадени се 96 мандатни платни налози и 72 возила се подигнати со специјално возило „пајак”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицаец тешко повреден на Водно, паднал од мотор обидувајќи се да избегне лисица која му го пресекла патот
Вчера на локален пат на Водно полицискиот службеник М.Т. (32) од село Радишани, скопско, управувајќи мотоцикл „Хонда“ во сопственост на МВР, изгубил контрола над возилото и паднал.
Според пријавеното, до несреќата дошло откако тој се обидел да избегне лисица која излегла на патот.
Тој се здобил со тешки телесни повреди, констатирани во Ургентниот центар при Комплекс клиники „Мајка Тереза“ во Скопје.
По настанот, увид извршила увидна екипа на СВР Скопје.
Црна хроника
Жена тешко повредена по пад во шахта на Партизанска
Четириесет и седумгодишната С.Д. од Скопје била донесена на комплексот клиники „Мајка Тереза“ со тешки повреди, соопшти МВР.
Според пријавеното, таа се здобила со повредите по пад во шахта на булеварот „Партизански одреди“ во Скопје.
По настанот бил извршен увид.
Топ
Управителот во Штип со години ги допирал своите ученички на возраст од 10 до 13 години – Обвинителството со детали
На возраст од 10 до 13 години биле девојчињата за кои постои сомнеж дека ги допирал по телото управителот на образовниот центар во Штип.
Обвинителството информира дека 65-годишниот управител е под истрага, а се работи за дело извршено во период од три години.
„Од септември 2023 година до 11.05.2026 година, осомничениот користел прилика во која на девојчињата на возраст од 13, 11 и 10 години им држел дополнителни часови во образовен центар и им се приближувал и ги допирал по телото“, велат од Обвинителството.
Како што вчера објави „Макфакс“ на осомничениот му е определена мерка притвор во траење од 30 дена.
