Црна хроника
Казнети 131 возач во Скопје

Министерството за внатрешни работи во текот на вчерашниот ден (28.7.2022) продолжи со засилените акциски контроли во областа на сообраќајот.
На територијата на град Скопје изречени се вкупно 131 мерка, меѓу кои за возење повеќе од дозволената брзина шест санкции, 22 мерки за прекршоци што ги прават возачите на мотоцикли, 15 санкции за возење без возачка дозвола.
Изречени се девет мерки за непрописно престигнување и обиколување, седум санкции за некористење сигурносен појас, шест санкции за минување на затворен сигнал (црвено светло), шест мерки за технички неисправни и нерегистрирани возила…
МВР апелира до граѓаните да ги почитуваме сообраќајните правила и прописи за да ја зголемат безбедноста во сообраќајот и заедно да придонесат за посигурни патишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведени тројца велешани кај кои било запленето оружје

Тројца велешани приведени кај кои било запленето оружје.
На 21.9.2023, во 16 часот, полициски службеници од Одделението за недозволена трговија при СВР Велес ги лишиле од слобода П. П. (51) од село Плевење, општина Чашка, и Т. С. (78) од село Теово, општина Чашка, а во 16.50 часот од слобода бил лишен и Н. Ш. (28) од Велес.
По преземените мерки, било дојдено до сознание дека П. П. поседува огнено оружје. Во службен разговор со него, П. П. изјавил дека поседува една пушка „карабин“, која била во домот на Н. Ш., кој доброволно им ја предал на полициските службеници заедно со неколку куршуми во различен калибар. А Т. С. на полициските службеници им предал една ловечка пушка во калибар од 16 мм и две воздушни пушки во калибар од 5,5 мм и 4,5 мм.
Лицата биле приведени во полициска станица, известен бил јавен обвинител и по целосно документирање на случајот, против нив ќе бидат поднесени соодветни пријави.
Црна хроника
Социјални работници однеле дете во болница во Гостивар, мајката го оставила само дома

Во куќа на улицата Илинденска во Гостивар вчера било оставено само малолетно дете.
Според пријавеното, го оставила неговата 39-годишна мајка. Во присуство на претставници од Центарот за социјални работи, кои го пријавиле случајот, детето е пренесено во гостиварската Општа болница „Ферид Мурад“ за укажување лекарска помош.
Се расчистува и документира случајот.
Црна хроника
Млад тетовец си ја истепал мајка си, таа го пријавила во полиција

Вчера (21 септември), околу 19 часот, полициски службеници на СВР Тетово го лишиле од слобода 29-годишниот тетовец К. В., кој бил пријавен од својата 51-годишна мајка дека физички ја нападнал во семејниот дом.
Тој е задржан во Полициската станица Тетово за расчистување и документирање на случајот.