Расчистена тешка кражба во маркет во Кочани, главен осомничен како што информира полицијата е сопругот на вработената во маркетот.

По преземени мерки и активности, полициски службеници од Одделението за внатрешни работи Кочани расчистија „тешка кражба“ извршена ноќта на 18/19.04.2021 од маркет на ул.„Маршал Тито во Кочани, за кое осмоничен сторител е А.С., сопруг на вработена во маркетот, стои во писменото известување од МВР.

Од таму појаснуваат дека осомничениот А.С. ги земал клучевите без знаење на сопругата, влегол во маркетот и од кутија одзел околу 120.000 денари.

Паричните средства се одземени и вратени на сопственикот. Се работи на комплетирање на случајот по што против А.С. ќе биде поднесена соодветна кривична пријава, додаваат истражните органи.

Покренато обвинение и продолжен притворот за 47 годишен скопјанец кај кого беа пронајдени метадон и ампули диазепам, соопшти МВР.

Според информации од надлежните, Скопското јавно обивнителство поднело обвинителен акт против ова лице.

Скопјанцеот е обвинет за кривично дело – неовластено производство и пуштање во промет наркотични дроги, психотропни супстанции и прекурсори казниви по Кривичниот законик.

На 25 март, при извршен претрес во домот на обвинетиот на улицата „Ордан Чопела“ во Гази Баба, било утврдено дека тој неовластено заради продажба држел 97 шишенца синтетички опијат – метадон со вкупен волумен од 970 мл, како и 980 фабрички ампули психотропна супстанција – инјекционен раствор на диазепам со вкупен волумен од 1.960 мл.

Надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за обвинетото лице, со оглед на тоа што постои опасност од бегство и можност за повторување на делото, информираат од овие институции.​​

Охридската полиција поднесе кривична пријава против штипјанец П.С.(30) и П.Т.(41) од Свети Николе поради сомнение за сторено кривично дело измама.

Како што информираат од СВР Охрид, пријавените во текот на ноември и декември 2020 година, додека издржувале затворски казни во штипскиот затвор, оствариле контакт со жител од Охрид и доведувајќи го во заблуда ги обезбедиле неговите лични податоци и документи.

Подоцна, со тие податоци подигнале брзи кредити од неколку финансиски друштва, а примопредавањето на парите го вршеле преку посредник.

На тој начин, пријавените се стекнале со противправна имотна корист од 100.000 денари.