Полицијата поднесе кривична пријава против жител на Трпејца затоа што со фалсификат геодетски елаборат изградил куќа во месноста „Трпејчко кале“ што е во состав на Националниот парк „Галичица“.

Според информациите на МВР, СВР Охрид поднесе кривична пријава против Н.Л.(76) од охридското село Трпејца, поради постоење основи на сомнение дека е сторител на казнените дела „бесправно градење“, „узурпација на недвижности” и „употреба на исправа со невевистинита содржина“, како и против В.К.(53) од Охрид поради сторено казнено дело „фалсификување или уништување деловни книги”.

Првопријавениот, во период од август-декември 2020 година, на катарстарска парцела во селото Трпејца, во месноста „Трпејчко кале“ што е во состав на Националниот парк „Галичица“, без да поседува одобрени за градба изградил индивидуален објект и како доказ употребил фалсификат геодетски елаборат, изработен од второпријавениот.

Тренер на одбојкарки клуб го нападнал судијата на натпревар што се одиграл вчера во Кичево.

Според информациите на СВР-Охрид, вчера на одбојкарски натпревар во Кичево, нарушен е јавниот ред и мир со физички напад извршен од Б.Е. (46) од Кичево, тренер на домашната екипа врз вториот судија П.С. (58) од Тетово.

Откако натпреварот е прекинат, напаѓачот е повикан во полициска станица и против него во согласност со Законот за спречување на насилство и недостојно однесување на спортски натпревари, ќе биде поднесена соодветна пријава.

Полицијата во Тетово приведе 30-годишен наркодилер по кого Интерпол Германија има распишано потерница.

Според информациите на МВР, вчера полициски службеници од Секторот за меѓународна полициска соработка- постапија по меѓународна потерница од Интерпол Германија и вo Тетово го уапсија К.И. (30) кој се барал за сторени кривични дела поврзани со трговија на голема количина на кокаин и марихуана на територијата на Германија.

За ова кривично дело според германскиот кривичен закон се предвидува максимална казна затвор од 15 години.

Лицето, според законската процедура, ќе биде испорачано на германската полиција.