Црна хроника
Кривична пријава за полицајците што дозволиле албански државјани да побегнат во Косово иако биле на стоп-листата
Мерка притвор во траење од 8 дена му е одредена на полицаец од ГП Долно Блаце, а на негов колега со решение на судот му е одземена патната исправа откога биле осомничени за сторено кривично дело злоупотреба на службената положба.
Имено, на 14.12.2022 година, на ГП Долно Блаце, при обид на три лица да влезат со ПМВ, марка „мерцедес“, во Македонија, второосомничениот, полициски службеник во кабина, утврдил дека за двајцата албански државјани во електронскиот систем се појавува мерката „задржи и извести“. Постапувајќи во согласност со протоколите во вакви случаи, за да продолжи со работа во системот, второосомничениот го информирал дежурниот полициски службеник и на патниците од возилото им наредил да се паркираат на страна, а третото лице – возачот на возилото и ПМВ воопшто не ги внесува во системот за регистрирање влез во државата.
Првоосомничениот, раководител на смена, двајцата албански државјани, кои на стоп-листата бидејќи поседувале македонски патни исправи со украден идентитет, ги сместил во својата канцеларија, а третиот го испратил наводно по храна во Косово, без притоа да го евидентира во системот за излез од државата. По одредено време, возачот, по претходен договор со првоосомничениот, се вратил на граничниот премин и непречено ги зел задржаните лица, па заедно побегнале кон Косово, без притоа да бидат забележани од пограничните служби.
Постапувајќи по поднесена кривична пријава, надлежен обвинител од Одделението за истражување и гонење кривични дела сторени од лица со полициски овластувања и припадници на затворската полиција при Основното јавно обвинителство за гонење организиран криминал и корупција, презеде истражни дејства против двајцата полициски службеници поради постоење основи на сомнение дека сториле кривично дело злоупотреба на службената положба и овластувањето, соопшти полицијата.
Обвинителството, како што информираат, продолжува да истражува инволвираност и на други лица во кривично-правниот настан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ограбил обложувалница во Тетово, уапсен на аеродромот додека се обидувал да избега од државата
СВР Тетово поднесе кривична пријава против 26-годишен тетовец, осомничен дека ограбил спортска обложувалница во градот.
Според информациите од билтенот на МВР, инцидентот се случил на 8 јуни околу 2 часот по полноќ. Осомничениот влегол во обложувалницата и, заканувајќи му се на вработениот со остар предмет, одзел пари од касата и побегнал.
Само неколку часа подоцна, околу 11:30 часот истиот ден, полицијата го привела на Меѓународниот аеродром Скопје, каде што бил затекнат при обид да ја напушти државата.
Црна хроника
„Летал“ на автопатот кон Гевгелија: 21-годишник фатен со 244 километри на час
21-годишен жител на Батинци е лишен од слобода синоќа, откако со возило марка „бмв“ се движел со брзина од 244 километри на час, што е двојно повеќе од дозволеното.
Како што соопштија од Министерството за внатрешни работи, случајот е регистриран на 13 јуни во 20:00 часот на автопатот Скопје – Гевгелија, кај гевгелиското село Милетково, од страна на полициски службеници од СВР Струмица – ОВР Гевгелија.
„При контрола на патниот сообраќај со радар, полициските службеници констатирале дека И.Р. (21) од село Батинци, општина Студеничани, управувал патничко возило ‘бмв’ со скопски регистарски ознаки со брзина од 244 километри на час на место каде со сообраќаен знак брзината на движење е ограничена на 120 километри на час“, се наведува во соопштението.
За настанот бил запознаен јавен обвинител од Основното јавно обвинителство Гевгелија, по чии насоки возилото е привремено одземено.
По целосно документирање на случајот, против возачот ќе биде поднесена кривична пријава по член 297-а од Кривичниот законик за „безобѕирно управување со моторно возило“, велат од МВР.
Црна хроника
Двајца работници тешко повредени во одделни несреќи на работните места
Двајца 51-годишни мажи се здобиле со тешки телесни повреди во одделни несреќи што се случиле при извршување работни задачи во пробиштипско и скопско.
Како што информира МВР, во 16:45 часот во ОВР Пробиштип било пријавено од Итната медицинска помош дека кај нив бил донесен Г.С. (51) од селото Соколарци, општина Чешиново-Облешево. Според пријавеното, тој се повредил додека извршувал работни задачи во рудник во пробиштипско.
Истиот ден, во 17:04 часот, од Ургентниот центар при Комплексот клиники „Мајка Тереза“ во Скопје било пријавено дека кај нив со тешки телесни повреди бил донесен В.М. (51) од селото Батинци. Според информациите, тој се здобил со повредите при извршување работни задачи за приватна фирма во селото Сопиште.
Во двата случаи бил извршен увид од полициски екипи, а за несреќата во Сопиште бил известен и трудов инспектор.
(Видео) Тешка поморска несреќа кај Сплит: се судрија едрилица и катамаран, има загинати
Три лица загинаа, а едно се води како исчезнато по судир на катамаран и едрилица во морето меѓу островите Шолта...
СДСМ: „Мој ДДВ“ не работи затоа што нема пари во буџетот
СДСМ обвини дека апликацијата „Мој ДДВ“ веќе неколку дена не функционира, поради што граѓаните имаат проблеми со скенирање фискални сметки...
(Видео) Филипче помеѓу земјоделиците: Зголемени трошоци, намалени субвенции, ниски откупни цени, откуп нема
Претседателот на СДСМ, Венко Филипче, денеска од Карбинци обвини дека земјоделството се соочува со сериозни проблеми и оцени дека состојбата...
Иран поделен околу договорот со САД: протести, обвинувања за „капитулација“ и неизвесност во последен момент
И покрај сигналите дека САД и Иран се приближуваат до историски договор за ставање крај на актуелната криза и за...
(Видео) Од есен би можела да почне изградбата на брзата пруга на Коридорот 10, најави Мицкоски
Премиерот Христијан Мицкоски најави дека до јули треба да бидат завршени клучните студии за изградба на брзата пруга на Коридорот...
„Најлошо прво полувреме на Бразил, уште од оние 7:1 против Германија“
Бразил го отвори Светското првенство со реми 1:1 против Мароко, а реакциите во татковината, за настапот на националниот тим се...
Ограбил обложувалница во Тетово, уапсен на аеродромот додека се обидувал да избега од државата
СВР Тетово поднесе кривична пријава против 26-годишен тетовец, осомничен дека ограбил спортска обложувалница во градот. Според информациите од билтенот на...
Грчките специјалци го спасиле Тајрик Џонс од бесните играчи на Панатинаикос
Јаки полициски сили, во полна борбена опрема, спречија потера по Тајрик Џонс во „Салата на мирот и пријателството“. Кога слушнаа...
„Летал“ на автопатот кон Гевгелија: 21-годишник фатен со 244 километри на час
21-годишен жител на Батинци е лишен од слобода синоќа, откако со возило марка „бмв“ се движел со брзина од 244...