Црна хроника
Кривична пријава против две лица за измама при добивање кредит или друга погодност и помагање
Надворешната канцеларија за криминалистички работи од Кичево поднесе кривична пријава против 47-годишниот М.Б. од село Аранѓел, Кичевско, поради постоење основи на сомнение за сторено кривично дело измама при добивање кредит или друга погодност и против 39-годишниот Н.М. од село Шутово, кое исто така се наоѓа во околината на Кичево, поради постоење основи на сомнение за сторено кривично дело помагање во врска со измама при добивање кредит или друга погодност, информираа од полицијата.
Настанот се случил во 2013 година, информираат од МВР и додаваат дека пријавениот во јули 2013 година во МВР, отсек за управни работи во Кичево, поднел барање за издавање уверение за жителство, при што во прилог доставил лажна изјава дека од Швајцарија се враќа да живее во Македонија. Потоа, издаденото уверение за жителство тој го употребил во постапка за идентификација на патничко возило „пежо 405“ во Бирото за метeорологија при Министерството за економија во Скопје, со цел да ја искористи погодноста според член 24 од Законот за возилата, а второпријавениот, пак, како што наведуваат од МВР, му давал совети и му помогнал на првопријавениот при изготвувањето на лажната изјава за жителство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.