Полициски службеници уапсиле 16-годишен малолетник од Скопје откако на 18 јануари по полноќ, при претрес кај него била пронајдена сомнителна прашеста материја.

Како што информираат од МВР, настанот се случил на улицата „Женевска“ во скопската населба Тафталиџе.

По целосно документирање на случајот, против него ќе биде поднесен соодветен поднесок.

Во скопската полиција рано утрово, околу 2 часот по полноќ, бил пријавен пожар во близина на училиштето во скопското село Огњанци.

Во пожарот гореле бали слама во двор од куќа на 29-годишник од селото.

Огнот бил изгаснат од противпожарната единица од Скопје, по што е извршен и увид на местото на настанот.

Државјанка на Словенија на возраст од 64 години во попладневните часови на 17. јануари, во полициската станица во Крушево пријавила дека пронашла експлозив.

Според пријавата, жената го пронашла експлозивот во куќа на крушевската улица „Партизанска“, во сопственост на нејзиниот починат брат.

За настанот била известена и Дирекцијата за заштита и спасување, по што бил извршен увид на местото на настанот.

*Фотографијата е илустрација, а не од местото на настанот