Црна хроника
Кривични пријави против две лица што со нож ограбувале таксисти
Секторот за внатрешни работи Скопје – единица за имотни деликти и малолетничка деликвенција – одделение за имотни деликти и малолетничка деликвенција во Гази Баба, по целосното документирање, ќе поднесе кривична пријава против двајца 18-годишни лица од Скопје поради основано сомнение дека извршиле четири кривични дела разбојништво.
„Пријавените кривичните дела ги извршиле во декември годинава врз такси-возачи од разни такси-компании, на идентичен начин, односно се качувале во такси-возила, барале да се превезат до скопското село Брњарци и во сите случаи со закана со нож од такси-возачите барале пари“, се наведува во соопштението.
По преземените мерки и активности, дојдено е до сознание дека извршители на кривичните дела се пријавените лица поради што двете лица се приведени.
Со наредба од Основен суд Скопје 1 Скопје извршени се два претреса во Скопје. На 19.12.2018 година во Полициската станица Гази Баба во присуство на јавен обвинител од страна на оштетените извршено е препознавање на пријавените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.