Велешката полиција на 26 јануари го уапсила 41-годишниот Љ.Т. од Велес, поради сомнение дека сторил кривично дело неовластено производство и пуштање во промет на наркотични дроги.

Како што информираат од МВР, по претходно добиени сознанија, а врз основа на судска наредба, полициски службеници извршиле претрес во неговиот дом, при што пронашле и одзеле неколку кутии и ќесиња со марихуана, бела прашеста материја, грутчеста материја, наменети за улична продажба, како и дигитална вага, евра и денари.

Љ.Т. бил приведен во полициска станица и по целосно документирање на случајот против него ќе биде поднесена соодветна пријава.

Поради сомнение за сторено кривично дело непостапување според здравствените прописи за време на епидемија, охридската полиција поднесе кривична пријава против Д.Т. (31) од Охрид, Х.А. (42) од тетовското село Боговиње и против локал со седиште на улицата „Железничка“ во Охрид.

Како што информираат од МВР, на 16 јануари годинава прво и второ пријавениот, во својство на управители и сопственици на правното лице, дозволиле работа на објектот после 18 часот, ангажирале 11 танчерки (странски државјанки) и дозволиле присуство на 23 други лица.

Со тоа, постапиле спротивно на безбедносните протоколи и превентивните препораки за заштита на населението од Ковид-19.

При полициски претрес извршен на 26 јануари во домот на 39-годишниот З.Б. од Кичево, полициски службеници пронашле и одзеле метадон, предмети со остатоци од хероин и парични средства во различни апоени.

Како што информираат од МВР, предметите се одземени и предадени на вештачење, а З.Б. е приведен и против него ќе биде поднесена соодветна пријава.