Полицијата синоќа во Валадово приведе 40-годишен маж од градот, под соммение дека го запалил автомобилот „опел“ на негов сограѓанин.

Од МВР велат дека на инцидентот претходеле и телефонски закани.

Приведениот е задржан во станица, а во неговиот дом извршен е претрес.

Во полициската станица во Неготино било пријавено дека дошло до сообраќајна несреќа по полноќ, на крстосницата од улицата „Индустриска“ и локалниот пат за селото Курија.

Во несреќата учествувале автомобил „шевролет“ управуван од Д.В.(34) од селото Возарци, кавадаречко и мотоцикл со велешки регистарски ознаки, управуван од малолетник од селото Виничани, општина Градско.

Во несреќата со тешки телесни повреди се здобил сопатникот од мотоциклот, кој истотака е малолетник од селото Виничани, додека со телесни повреди се здобил возачот на мотоциклот.

Извршен бил увид.

Сообраќајна незгода помеѓу автомобил и трактор се случила вчера на регионалниот пат Прилеп – Битола, пред влезот за селата Добрушево и Клепач.

Според информациите од МВР, во несреќата учествувале автомобил „фолксфаген” со охридски регистарски ознаки, управуван од С.Н.(66) од Охрид и трактор „имт” со прилепски регистарски ознаки, управуван од С.Н.(41) од селото Канатларци, прилепско.

Возачот на возилото „фолксфаген“ и неговата сопатничка З.И.(44) од Прилеп се здобиле со тешки телесни повреди, а возачот на тракторот со телесни повреди, констатирани во болниците во Битола и Прилеп.

Извршен е увид.