Вчера во 13.15 часот во Полициска станица Бит Пазар, С.И.(28) од Скопје пријавила дека околу 01.00 часот во близина на угостителски објект на подрачјето на Бит Пазар, додека ги извршувала своите работни обврски како лекар во Итна медицинска помош, по претходно недоразбирање, била физички нападната од едно лице.

Се преземаат мерки за расчистување на случајот.

Вчера во 11.40 часот во Полициска станица Бит Пазар е пријавено дека во близина на трговски центар на подрачјето на Бит Пазар, по претходна расправија околу сообраќајот, едно лице кое управувало патничко возило „бмв“, со скопски регистарски ознаки, физички го нападнало Р.Д.(36) и испукало со пиштол.

Р.Д. бил пренесен во Комплекс клиники „Мајка Тереза“ за укажување на лекарска помош.

Полициски службеници од СВР Скопје излегле на местото, по преземени активности сторителот е идентификуван и станува збор за Н.М.(35), обезбедени се сите докази против него и распишана е потерница, а по документирање на случајот против него ќе биде поднесен соодветен поднесок.

Денеска во 02.50 часот во с.Мала Речица, тетовско, полициски службеници од СВР Тетово го лишиле од слобода А.Г.(32) од Р.Албанија.

Тој бил затекнат при извршување на кривично дело „кражба“ од куќа во с.Мала Речица, сопственост на А.Д.(33) од истото село.

По целосно документирање на случајот против него ќе биде поднесен соодветен поднесок.