Црна хроника
Обвинение за уште едно лице за учество во протестите за „Монструм“

Скопското јавно обвинителство Скопје поднесе обвинителен предлог против едно лице за кривично дело – учество во толпа.
Обвинетиот 19-годишник од селото Стајковци, на 26 февруари, за време на јавен собир на граѓани, заедно со други идентификувани и неидентификувани граѓани, почнал да дејствува кон полицискиот кордон на булеварот Крсте Петков Мисирков фрлајќи со камења, бекатон-плочки, метални шипки и други предмети.
Притоа биле повредени 11 полициски службеници и еден новинар.
Во протестите обвинетиот учествувал маскиран, со цел да не се открие неговиот идентитет, информираат од МВР.
Надлежниот јавен обвинител до судијата на претходна постапка од Основниот кривичен суд Скопје доставил предлог за продолжување на претходно определената мерка притвор за обвинетото лице за кое сѐ уште постои опасност да се даде во бегство или да го повтори кривичното дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведено лице од кумановско при обид за илегален влез во државата, превезувал производи без документација

Вчера вечер во 21.00 часот, полициски службеници од Полициската станица за граничен премин и граничен надзор Белановце при Регионалниот центар за гранични работи Север го лишиле од слобода З.М.(44) од село Черкези, кумановско, извести МВР.
– Во атар на село Злокуќане, липковско, тој бил затекнат при обид илегално да оствари влез од Косово во Република Северна Македонија со возило „мерцедес“ со кумановски регистарски ознаки. Додека, при преглед во возилото била пронајдени производи без потребната документација, соопшти МВР.
Пронајденото било одземено и предадено на Царинската управа за понатамошна постапка и по целосно документирање на случајот против лицето ќе биде поднесен соодветен поднесок.
Црна хроника
Излетал со возилото од пат, удрил во патоказ, па во автобус: алкохолизиран Македонец предизвика сообраќајка во Истра

Хрватската полиција вчера околу 19:20 часот добила пријава за сообраќајна незгода во која автомобил удрил во автобус.
Од спроведената кривична истрага е утврдено дека 41-годишен државјанин на Северна Македонија, под дејство на алкохол од 1,39 промили управувал автомобил со пулски регистрации на коловозот Бадерна – Пазин. Возачот не се движел среде обележаната сообраќајна лента, туку излетал надвор од коловозот и удрил во патоказ, по што се вратил на коловозот, каде удрил во автобус со риечки регистарски ознаки, управуван од 45-годишен човек.
Во моментот на несреќата во автобусот имало 25 патници и уште еден возач на автобус, но никој од учесниците не е повреден.
Против 41-годишникот се поведуваат прекршочни постапки согласно Законот за безбедност на сообраќајот на патиштата на Хрватска, пренесуваат хрватските медиуми.
Црна хроника
Возило изгубило контрола и се превртело на автопатот Свети Николе – Скопје

Вчера во 08.30 часот во СВР Скопје било пријавено дека на автопатот Свети Николе – Скопје, пред клучка Коњари, патничко моторно возило „ауди“ со струмички регистарски ознаки, управувано од Г.Ј.(20) од Струмица, изгубило контрола и се превртело.
Во несреќата со тешки телесни повреди се здобил возачот, а со телесни повреди се здобил сопатникот Ј.Н., констатирани во Комплексот клиники „Мајка Тереза“.
Извршен бил увид од увидна екипа од СВР Скопје.