На објект во изградба на улицата Лондонска во Скопје, кој го гради тетовска фирма сопственост на Г.Х.(54) од село Мала Речица, починал 33-годишниот градежниот работник М.А. од селото Челопек, Тетовско.

Како што соопшти МВР, работникот починал кога се обидувал да натовари железна арматура на кран. Арматурата се откачила и од висина од околу два метра паднала врз него. Смрт констатирал лекар од Итна медицинска помош, а по наредба на Јавен обвинител телото било предадено на обдукција. Увид на местото извршиле Јавен обвинител и екипа од СВР Скопје.

Tрактор управуван од 49-годишно лице се превртел, a возачот се здобил со тешки телесни повреди.

Како што соопшти МВР, несреќата се случила на место викано Долно маало во близина на селото Тромеѓа, Кумановско, на земјен пат.

Тој со возило на Итната медицинска помош бил пренесен во Ургентниот центар Куманово. По укажаната лекарска помош, бил пренесен во комплексот клиники „Мајка Тереза“- Скопје. За настанот бил запознаен Јавен обвинител, а увид на местото извршила екипа од СВР Куманово.

Eдно лице загина, а едно добило сериозни повреди во сообраќајната несреќа што се случи на патот Тетово-Јажинце, кај селото Доброште.

Како што соопшти полицијата, починатиот е 50-годишен жител од Доброште, а на скопските клиники е префрлено женско лице, кое е потешко повредено.

Сообраќајкната несреќа се случила помеѓу автомобил и трактор, а оштетено е уште едно возило паркирано во близина.