Црна хроника
Од автомобил пукале кон маж во Скопје, тој се бори за живот
Маж на возраст од 27 години е ранет од огнено оружје во Скопје, откако во него било пукано од автомобил, соопшти полицијата. Тој е во животна опасност.
Имено, во четвртокот, било пријавено дека две непознати лица со две ПМВ дошле на ул. „Фуштанска“ и започнале расправија со Г.Б. (27), по што едно од лицата извадило пиштол и пукало кон Г.Б, нанесувајќи му прострелна рана во десна надколеница и повеќе повреди во пределот на телото.
По настанот лицето кое пукало го напуштило местото на настанот со возило.
Повредениот бил пренесен и задржан на лекување во Градската општа болница „Св. Наум Охридски“, каде му се констатирани тешки телесни повреди и се наоѓа во животна опасност.
Се преземаат мерки за пронаоѓање на сторителите и за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Изби пожар кај стариот полигон под Кале, оштетени се три возила, едно лице повредено
Пожар избувнал на улицата „Самоилова“ во Скопје, во близина на Кале, на просторот кај стариот полигон.
Според информациите од полицијата, при пожарот што се случил вчера била запалена сува трева, а огнот брзо се проширил и зафатил три возила.
Во обид да ги отстрани возилата од зафатеното подрачје, едно лице се здобило со повреди кршејќи ги стаклата.
На терен интервенирале полициски службеници и екипа на Бригадата за противпожарна заштита Скопје, по што пожарот бил изгаснат.
Надлежните служби преземаат мерки за целосно расчистување на случајот.
Црна хроника
Маж почина во угостителски објект на пазарот во Свети Николе
Машко лице починало на Градскиот пазар во Свети Николе во угостителски објект.
Според информациите од полицијата, случајот бил пријавен вчера во 16:30 часот во ОВР Свети Николе, а мажот починал откако му се слошило додека престојувало во објектот.
На местото пристигнала екипа на Итната медицинска помош, каде лекар констатирал смрт без видливи траги на насилство.
По насоки на јавен обвинител од Основното јавно обвинителство Свети Николе, телото на починатиот е дадено на обдукција.
Надлежните институции преземаат мерки за утврдување на идентитетот на лицето и за целосно расчистување на случајот.
Црна хроника
Минибус со навивачи оштетен кај Битола: напад од група граѓани на патот Прилеп–Ресен
На 17 април околу 23:15 часот, во СВР Битола било пријавено дека на патот Прилеп–Ресен, кај крстосниците Ротино и Кукуречани, бил оштетен минибус.
Станува збор за минибус „мерцедес“ со охридски регистарски ознаки, сопственост на приватна фирма од селото Коњско, кој превезувал навивачка група од Охрид.
Според пријавата, додека се движел по патот, минибусот бил оштетен од група граѓани, при што настанале материјални штети.
Од полицијата информираат дека се преземаат мерки за расчистување на случајот, по што ќе следуваат соодветни пријави.
