Во акциска контрола во Тетово полицијата откри државјани на Албанија и на Косово со нерегулиран престој во државата.

Според информациите на МВР, во текот на изминатата ноќ во периодот од 22 до 02 часот од страна на полициски службеници од СВР Тетово извршена е контрола во седум угостителски објекти во Тетово.

„При контролите затекнати се четири лица со нерегулиран престој, три женски лица на возраст од 17 и 18 години од Косово и едно машко лице на возраст од 24 години од Албанија. Исто така во еден објект се затекнати две лица на возраст од 25 години од Тетово и село Порој, кај кои е пронајдена марихуана. Лицата се приведени за понатамошна постапка“, соопшти МВР.

Патници ограбиле таксист на патот помеѓу селата Брњарци и Арачиново, во Скопје.

Според информациите на МВР, вчера околу 20.30 часот тројца патници со закана му украле мобилен телефон и 500 денари на таксистот Т.С.(44). Полицијата презема мерки за пронаоѓање на лицата.

На скопјанец му го украле автомобилот додека пазарувал во продавница на булеварот Партизански одреди во Скопје.

Според информациите на МВР, денеска В.Н.(34) од Скопје пријавил во полиција дека синоќа околу 01 часот по полноќ две машки лица му го украле автомобилот марка „форд куга” со скопски регистарски ознаки. Според пријавата, крадците го искористиле невниманието на пријавителот кој го оставил возилото да работи и отишол да купи производи од маркет.

Полицијата презема мерки за пронаоѓање на лицата и возилото, како и целосно расчистување на случајот.