Црна хроника
Пиштол и 263 куршуми најдени во куќа во Дреновец

Од Министерството за внатрешни работи попладнево информираат за одземени пиштол и 263 куршуми при претрес во дом на 46-годишно лице од Дреновец.
-Вчера во периодот од 10:45 до 11:15 часот, врз основа на судска наредба, полициски службеници од СВР – Тетово извршиле претрес во домот на С.С. од Дреновец – Тетово. За време на претресот биле пронајдени и одземени пиштол „црвена застава“ и 263 куршуми калибар 9 милиметри, соопштуваат од МВР.
По целосно расчистување и документирање на случајот, како што додаваат, ќе следува соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Брендирана роба без документација пронајдена во товарно возило: приведен струмичанец

Вчера околу 16.30 часот на патниот правец од Богданци кон село Фурка, дојранско, полициски службеници од Мобилната единица за компезаторни мерки при Одделот за гранични работи и миграции извршиле контрола на товарно возило „ивеко“ со струмички регистарски ознаки, управувано од Б.Г.(59) од Струмица.
При контролата во возилото биле пронајдени и одземени вкупно 672 парчиња брендирана роба за која не поседувал соодветна документација.
За настанот бил известен јавен обвинител, а лицето било лишено од слобода. По целосно документирање на случајот, против него ќе биде поднесена пријава по член 285 од Кривичниот законик.
Црна хроника
Затвореник нападнал вработен во Идризово

Во затворот Идризово вчера било пријавено дека околу 17.00 часот вработен во установата, бил физички нападнат од осуденикот Т.С..
Се преземаат мерки за расчистување на случајот.
Црна хроника
Скопјанец нападнат во Ќерамидница, напаѓачот удрил и по полицијата и им го оштетил службеното возило

Дваесет и тригодишен скопјнец (А.Д.) синоќа бил нападнат населбата Ќерамидница од страна на Г.К. (28) од Скопје, кој употребил и тврд предмет.
Истиот, подоцна ги нападнал и полициските службеници кои дошле на местото на настанот и го оштетил службеното возило, по што од страна на полициските службеници е приведен, објави МВР.
Потоа уште едно лице (А.М.) ги нападнало полициските службеници, по што се дало во бегство.
Се преземаат мерки за расчистување на случајот.