Во пожар во Скопје изгореа кошници со пчели. Како што информираат од Противпожарната бригата на Град Скопје, денеска околу 13 часот избувнал пожар во овоштарник на улицата Борис Трајковски во Скопје. Пожарот бил гаснет од 13.20 до 14.40 часот. Огнот зафатил сува трева и кошници со пчели. Зафатена е површина од 70.000 квадратни метри. Интервенирано било со едно возило и тројца пожарникари.

По наредба на Основното јавно обвинителство Скопје, спроведена е истражна постапка против едно лице кое ја претепало сопствената мајка.

„Осомничениот на 17.02.2019 година во семејниот дом во с. Визбегово, во видно алкохолизирана состојба, физички ја нападнал неговата мајка, удирајќи ја со тупаници во пределот на главата и телото. Потоа, тој со двете раце ја давел оштетената, ја турнал на земјата и продолжил да ја удира со што ѝ нанел телесни повреди“, се наведува во соопштението на обвинителство.

Поради опасност осомничениот да го повтори кривичното дело или да се даде во бегство, надлежниот јавен обвинител до судијата на претходна постапка од Основниот суд Скопје 1 Скопје достави и предлог за определување мерка притвор за осомниченото лице.​

На објект во изградба на улицата Лондонска во Скопје, кој го гради тетовска фирма сопственост на Г.Х.(54) од село Мала Речица, починал 33-годишниот градежниот работник М.А. од селото Челопек, Тетовско.

Како што соопшти МВР, работникот починал кога се обидувал да натовари железна арматура на кран. Арматурата се откачила и од висина од околу два метра паднала врз него. Смрт констатирал лекар од Итна медицинска помош, а по наредба на Јавен обвинител телото било предадено на обдукција. Увид на местото извршиле Јавен обвинител и екипа од СВР Скопје.