Црна хроника

Поднесена кривична пријава за фалсификување исправа

Објавено пред

1 месец

- 30 јануари, 2021

Од

Регионалниот центар за гранични работи – Југ на 29.01.2021 до Основното јавно обвинителство Гевгелија поднесе кривична пријава против Р.Р.(39) од Прешево, Србија поради постоење „фалсификување исправа“, предвидено и казниво по член 378 став 3, а во врска со ст.1 од Кривичниот законик.

На автопатот „Пријателство“, кај клучка Смоквица, при вршење контрола на патници и возила од страна на полициски службеници од Полициската станица за Граничен премин и граничен надзор „Богородица“, бил запрен пријавениот Р.Р., кој управувал патничко возило „фолксваген голф“, со велешки регистарски ознаки. При проверка на возилото било констатирано дека регистарските таблички кои ги користел за возилото потекнуваат од патничко возило „форд галакси“, во сопственост на Л.Д. од Велес.

Р.Р. бил лишен од слобода, а од Судија на претходна постапка од Основен суд Гевгелија му е изречена мерка притвор. Возилото било одземено и сместено во кругот на Полициската станица за граничен премин и граничен надзор „Богородица“ – железнички премин за понатамошна постапка.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Возач удрил жена на паркинг во Скопје

Претходно

Повреден возач на мопед во Скопје

Црна хроника

Приведен сопственик на угостителски објект во Гостивар, работел по дозволеното време

Објавено пред

3 часа

- 7 март, 2021

Од

Макфакс

При контрола на угостителски објект во Гостивар, синоќа во 21.35 часот, било забележано дека објектот работел по дозволеното работно време и во него имало гости.

Објектот од страна на Државен пазарен инспекторат е затворен, а сопственикот М.Н. е приведен. По целосно документирање на случајот ќе биде поднесена кривична пријава по член 206 од Кривичниот законик – „непостапување според здравствените прописи за време на епидемија“.

Прикажи повеќе...

Црна хроника

(Видео) 57 санкции за брзо возење со т.н. ноќен радар, 20 за возење под дејство на алкохол

Објавено пред

4 часа

- 7 март, 2021

Од

Макфакс

Министерството за внатрешни работи во текот на вчерашниот ден (06.03.) продолжи со засилените акциски контроли во областа на сообраќајот.

На територијата на град Скопје изречени се вкупно 163 мерки, од кои со посебно опремен радар за снимање во ноќни услови санкционирани се 57 возачи, изречени се 20 санкции за возење под дејство на алкохол, како и 18 мерки за возење без возачка дозвола.

Засилените сообраќајни контроли продолжуваат и во наредните денови. Од МВР апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.

Прикажи повеќе...

Црна хроника

613 санкции за неносење маска

Објавено пред

5 часа

- 7 март, 2021

Од

Макфакс

Во текот на изминатото деноноќие (06/07.03.2021) на територијата на Република Северна Македонија, по однос на мерката за носење лична заштита на лице, регистрирани се 613 прекршоци.

Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид 19.

Прикажи повеќе...