Црна хроника
Полицаец изготвил лажен записник за сообраќајна несреќа и се потпишал во име на учесниците
Полицаец од Сушево изготвил лажен записник за сообраќајна несреќа што се случила во септември лани, со што не можело да се утврди виновникот за несреќата. Исто така, тој не зел изјави од учесниците и во службената внел лажни податоци.
Секторот за внатрешни работи Струмица до Основното јавно обвинителство Струмица, поднесе кривична пријава против К.В. (44) од село Сушево, општина Василево, поради постоење основи на сомнение за сторени кривични дела несовесно работење во службата и фалсификување службена исправа.
Пријавениот К.В. во својство на полициски службеник на 5 септември минатата година при вршење увид по случена сообраќајна незгода, во која учествувале патничко возило и мотоцикл, не ги земал потребните изјави од страна на учесниците во сообраќајната незгода, со што не можеле да бидат точно прецизирани и точно утврдени фактичката состојба и виновникот за случената сообраќајна незгода.
Според информациите од МВР, наместо тоа, тој изготвил службени белешки за добиени информации преку непосреден разговор со граѓани, односно изготвил службени исправи што подоцна ги употребил како вистинити и во содржината на едната од нив внел невистинити податоци во однос на изјавата од учесник во сообраќајната незгода, кој притоа добил тешки телесни повреди.
Исто така, пријавениот своерачно ги ставил само првите букви од имињата и целите презимиња на лицата што учествувале во сообраќајната несреќа и потоа службените белешки ги заверил со своерачен потпис. На тој начин, велат од МВР, на оштетените учесници во сообраќајната незгода им било оневозможено да го остварат своето право на надомест на штета, односно била сторена потешка повреда на правата на возачите во остварувањето на правото за надомест на штета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.