Контакт

Топ

Kривични пријави против 11 лица што не ги почитувале мерките за самоизолација

Објавено пред

Полицијата поднесе кривични пријави против 11 лица што не ги почитувале препораките за епидемијата на коронавирусот. Битолската полиција поднесе кривична пријава против З. Т. (43), Т. Т. (41), Е. Т. (18) од Битола и М. А. (18) од Скопје поради постоење основи на сомнение за сторено кривично дело непостапување според здравствените прописи за време на епидемија. На 14 март З. Т. влегол во земјата преку Грција заедно со М. А и Е. Т., кои доаѓале од Италија, поради што сите потпишале изјава за самоизолација од 14 дена и примиле писмена наредба од Министерството за здравство. На 19.3.2020, при проверка од полициски службеници, пријавените заедно со Т. Т. биле затекнати надвор од домот, односно не се придржувале до изречените мерки од Министерство за здравство.

ОВР Прилеп поднесе кривична пријава против Х. С. (32) од Прилеп, кој на 17.3.2020 допатувал од ризична земја на граничниот премин Деве Баир, каде што потпишал изјава дека ќе ги почитува мерките и препораките за спречување пренесување на коронавирусот и добил наредба за самоизолација во својот дом во времетраење од 14 дена, но на 19.3.2020, при проверки на полициски службеници, пријавениот не бил пронајден во својот дом во с. Големо Коњари.

ОВР Прилеп поднесе кривична пријава против Д. К. (35) од Прилеп, кој на 17.3.2020 допатувал од ризична земја на граничниот премин Меѓународен аеродром „Скопје“, каде што потпишал изјава дека ќе ги почитува мерките и препораките за спречување пренесување на коронавирусот и добил наредба за самоизолација во својот дом во времетраење од 14 дена. На 19.3.2020, при проверки на полициски службеници, пријавениот не бил пронајден во својот дом на улицата Пере Тошев“.

ОВР Прилеп поднесе кривична пријава против С. Л. (24) од с. Житоше, општина Долненикој, кој на 17.3.2020 допатувал од ризична земја на граничниот премин Деве Баир, каде што потпишал изјава и добил наредба за самоизолација во својот дом во времетраење од 14 дена, но на 19.3.2020, при проверки на полициски службеници, не бил пронајден во својот дом.

Надворешната канцеларија за криминалистички работи Кавадарци поднесе кривична пријава против Г. В. (42) од с. Возарци, Кавадаречко, кој на 19.3.2020, при проверка од полициски службеници, било констатирано дека иако потпишал изјава за самоизолација од 14 дена и примил писмена наредба издадена од Министерството за здравство, не се придржувал на изречените мерки за самоизолација.

Надворешната канцеларија за криминалистички работи Кавадарци поднесе кривична пријава против Б. С. (45) од с. Сирково, општина Росоман. На 19.3.2020, при проверка од полициски службеници, било констатирано дека иако на 18.3.2020 потпишал изјава за самоизолација од 14 дена и примил писмена наредба од Министерството за здравство, тој не бил пронајден дома.

Надворешната канцеларија за криминалистички работи Кавадарци поднесе кривична пријава против А. Н. (47) од с. Сопот. На 18.3.2020 во с. Сопот, при проверка од полициски службеници во домот на пријавениот, било констатирано дека иако на 17.3.2020 потпишал изјава за самоизолација од 14 дена и примил писмена наредба од Министерството за здравство, тој не се придржувал на мерките.

СВР Штип поднесе кривична пријава против В. Н. (32) од с. Звегор, Делчевско, кој на 17.3.2020 во 4.20 часот на граничниот премин Деве Баир допатувал од Словенија. При проверка во неговиот дом во селото Звегор полицијата не го пронашла дома.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Се забрануваат нови вработувања во јавниот сектор

Објавено пред

Во јавниот сектор времено се забрануваат новите вработувања, нови ангажирања преку агенции за привремени вработување и нови договори на дело, освен за ангажирања на соодветен кадар во здравствениот сектор и во други сектори кои се во насока на справување со последиците од коронавирусот. Oва е една од новите одлуки донесени на владина седница.

„За сите трајно испразнети работни места (пензионирања и други заминувања по различни основи) да нема прием на нови вработувања. Доколку се утврди неопходност за пополнување на некое работно место, истото да се пополни од институции каде што има суфицит, а доколку нема таков кадар по институциите, за ангажирање на лицата да одлучува Владата“, велат од Владата.

Денеска е одлучено и да не се стопираат веќе почнатите постапки за вработувања, за кои има согласност од Министерство за финансии. За издадените согласности за кои не се започнати постапки за вработувања да не се започнуваат.

Владата порача расходите за репрезентации, спонзорства и реклами да се сведат на минимум во јавниот сектор, а колективниот договор за култура во кој се регулирани сите права да се пролонгира до крајот на 2020 година.

На вработените во јавниот сектор да не се доделува регрес за годишен одмор во 2020 година, како и да не се реализираат другите права во Општиот колективен договор за јавниот сектор за 2020 година.

Во текот на 2020 година времено се забранува набавка на мебел, опрема и возила, кои суштински и директно не се поврзани со справување со здравствено-економската криза предизвикана од вирусот Ковид-19, освен за оние за кои има дозвола од Владата.

Владата ги задолжува јавните претпријатија и АД во државна сопственост да ги намалат тековните расходи за 15% за 2020 година и за тоа да ја известат Владата.

Владата до крајот на 2020 година ги задолжува буџетските корисници и единките корисници да ги почитуваат мерките за намалување на расходите.

Се задолжува Владата да ги информира општините, јавните претпријатија и акционерски друштва во државна сопственост и останати субјекти во јавен сектор за донесените мерки за намалување и им препорачува да ги почитуваат донесените мерки за намалување на расходите, како и да се воздржат од помалку суштинските расходи кои не придонесуваат во справувањето со коронавирусот.

Прикажи повеќе...

Македонија

Починатата родилка од Охрид немала коронавирус, според извештајот проблем биле дебелината и високиот притисок

Објавено пред

Министерството за здравство информира дека се негативни резултатите на битолчанецот кој беше пронајден починат во својот стан и кај родилката од Охрид, откако пост мортем на двајцата им беше земен брис за тест на Ковид-19.

Мажот на возраст од 66 години, кој на 30 март од страна на МВР при извршување рутинска контрола на лице во домашна изолација, беше пронајден починат во својот стан во Битола е негативен на коронавирусот. Брисот беше земен истиот ден од страна на Центарот за јавно здравје во Битола и испратен во Скопје на анализа. Починатиот, по враќање од Англија, бил во 14-дневна изолација, а истата требала да заврши на 30 март. Од познати комобирдитети, имал дијабет и хипертензија.

Негативен на Ковид-19 е и резулатот на родилката од Охрид, која доцна синоќа почина на Клиниката за гинекологија и акушерство во Скопје, велат од министерството.

Пациентката на возраст од 37 години беше вчера попладне донесена во Скопје со возило на брза помош во високо фебрилна состојба и со мртов плод.

Како што информираше Клиниката за гинекологија и акушерство по пристигнување, на пациентката уште веднаш ѝ е направена целосна лабораторија и земен брис за Ковид-19. Лекарите оперативно го извадиле плодот, а од стомакот на мајката е евакуиран гној. Причина за смртта е најверојатно сепса со масивна тромбемболија. Пациентката e пратена на обдукција по што ќе има егзактна дијагноза.

Според извештајот на Клиниката, се работело за екстремно обезна пациентка, со телесна тежина од околу 150 кг, со висок крвен притисок и тахикардија, која во последните 5 месеци воопшто не се движела, а согласно податоците од докторите во Охрид, пациентката не ги извршувала ниту потребните гинеколошки контроли, додаваат од министерството.

 

Прикажи повеќе...

Македонија

Бројот на излекувани пациенти со коронавирус во Македонија се искачи на 17

Објавено пред

Министерот за здравство, Венко Филипче, информираше дека од Клиниката за инфективни болести и фебрилни состојби, денеска се испишани пет пациенти. Тие биле негативни на двата контролни теста, во добра општа состојба и ќе се упатат на домашно лекување.

Со ова, вкупната бројка на излекувани пациенти од коронавирус во земјава се искачи на 17.

„Од 28-те пациенти во Дебар коишто се наоѓаат на домашно лекување, на 11 од денеска и во следните денови им се земаат контролните брисеви. Тие се во сосем добра општа здравствена состојба, поминати се доволен број денови за да се очекува дека се негативизирани, согласно нивната состојба и согласно тоа ќе се постапи во однос на нивниот натамошен третман“, рече Филипче.

Во однос на дневната статистика, во изминатите 24 часа се регистрирани еден смртен случај и 25 новозаболени.

„На Клиниката за инфективни болести и фебрилни состојби вчера се примени девет нови пациенти, сега се хоспитализирани вкупно 59, од кои 12 се со потешка клиничка слика, а пет пациенти се поставени на механичка вентилација“, изјави министерот Филипче.

Вкупниот број тестирања досега во нашата земја изнесува 3.775.

 

 

Прикажи повеќе...

Најново

Македонија8 часа

Се забрануваат нови вработувања во јавниот сектор

Во јавниот сектор времено се забрануваат новите вработувања, нови ангажирања преку агенции за привремени вработување и нови договори на дело,...

Македонија8 часа

Починатата родилка од Охрид немала коронавирус, според извештајот проблем биле дебелината и високиот притисок

Министерството за здравство информира дека се негативни резултатите на битолчанецот кој беше пронајден починат во својот стан и кај родилката...

Македонија11 час

Бројот на излекувани пациенти со коронавирус во Македонија се искачи на 17

Министерот за здравство, Венко Филипче, информираше дека од Клиниката за инфективни болести и фебрилни состојби, денеска се испишани пет пациенти....

Македонија12 часа

ЕУ дозволи пристап за земјава до Европскиот солидарен фонд

Северна Македонија доби пристап и до Европскиот солидарен фонд, од каде заедно со земјите – членки на ЕУ ќе бидат...

Македонија13 часа

Се продолжува породилното отсуство додека трае вонредната состојба

Родилките чие породилно отсуство од работа истекува за време на вонредната состојба, ќе може да останат дома цело време додека...

Македонија13 часа

Со Ковид-19 заразена медицинска сестра од Клиниката за пулмологија

Во Куманово медицинска сестра, вработена на Клиниката за пулмологија, дошла на работа без симптоми, но вчера ѝ се појавила зголемена температура...

Економија13 часа

Ангеловска: Подготвени сме за најлошото сценарио за буџетот, работиме да се случи најдоброто

Многу е тешко за економските аналитичари, вклучително и за меѓународните финансиски институции, да ги предвидат случувањата за време на кризата...

Македонија14 часа

Нов смртен случај на коронавирус во земјата, позитивна и починатата пациентка од Струга

Министерството за здравство информира дека ноќеска на Клиниката за инфективни болести во Скопје починала една пациентка од Лабуништа на возраст...

Економија14 часа

Ангеловска: Каматите на кредитите не може да бидат укинати, банкарскиот сектор треба да биде стабилен

Банките ќе пресметуваат камати на одложените кредити за да се овозможи нормално функционирање на банкарскиот сектор. Министерката за финансии, Нина...

Свет14 часа

Речиси 2.500 туристи ќе тужат скијачки центар во Австрија поради коронавирусот

Речиси 2.500 туристи спремаат тужба против ски-центарот Ишгл во Австрија поради лошо постапување за време на епидемијата на коронавирусот и...

Свет15 часа

(Видео) Во Лондон за пет дена направена болница за 4.000 пациенти

Британската агенција за јавно здравје со помош на војската за пет дена ја претвори конференциската сала „Ексел“ во Лондон во...

Македонија16 часа

Министерството за здравство со совети како да го заштитиме менталното здравје во време на коронавирус

Карантинот, изолацијата и социјалното дистанцирање се мерки што докажано го забавуваат ширењето на Ковид-19 и ни помагаат да го заштитиме...

Македонија16 часа

Починаа родилката од Охрид и нејзиното бебе

На Клиниката за гинекологија и акушерство во Скопје доцна синоќа почина пациентка на возраст од 37 години од Охрид, која...

Свет17 часа

За еден ден во Москва излекувани 45 луѓе од коронавирусот

Нови 45 луѓе, кои се излекувале од коронавирусот, се пуштени од болница во Москва изминатите 24 часа, соопштија градските власти....

Европа17 часа

Бројот на починати од Ковид-19 во Европа се искачи над 30.000

Европа изгуби над 30.000 животи во пандемијата на новиот коронавирус Ковид-19, од кои повеќе од една третина се во Италија,...

Европа18 часа

Уапсен терорист во Виена, се криел во старски дом

Во Виена е уапсен терористот што го барале руските власти, а кој се криел во старски дом. Руските власти издале...

Свет18 часа

Сто заразени на американски носач на авиони: „Не сме во војна, морнарите не мора да умрат“

Капетанот на американскиот наосач на авиони „Теодор Рузвелт“, на кој има повеќе од 4.000 членови на екипажот, побарал итна помош...

Свет19 часа

Русија испраќа медицинска помош во САД за борбата против коронавирусот

Русија ќе испрати во САД опрема за помош во борбата против коронавирусот, јавуваат руските агенции повикувајќи се на портпаролот на...

Регион19 часа

Бугарија, по еден ден, ја укина наредбата за носење маски

Бугарската влада, по само еден ден од носењето на одлуката, ја укина наредбата за носење заштитни маски на јавни места...

Свет19 часа

Во САД повеќе од 4.000 починати од коронавирус, Трамп најави две многу болни недели

Белата куќа објави нова процена дека во САД коронавирусот ќе одземе меѓу 100.000 и 240.000 животи доколку се почитуваат ограничувањата...

Досие