Охридската полиција поднесе кривична пријава за 44-годишниот Г.П, жител на овој град, поради сомнение за сторено кривично дело „разбојништво“.

Како што информираат од МВР, на 27. март годинава, во семејниот дом во Охрид, тој физички ја нападнал неговата мајка по што ѝ одзел 3.000 денари.

Едно лице почина по сообраќајна несреќа што се случила вчера кај поранешна градска болница во Скопје.

Според информациите на МВР, во несреќата учествувале автомобил „мерцедес“, управуван од Б.М.(37) од Скопје и „шкода октавија“ управувана од Ј.В.(50) од Скопје.

По незгодата, кај сопатникот во „мерцедесот“ Е.М.(70) од Скопје, кој имал здравствени проблеми и му била влошена здравствената состојба, во болницата „Св. Наум Охридски“, била констатирана смрт без траги од удар од незгодата, додека кај другиот сопатник Б.И.(46) од Скопје и возачот на другото возило Ј.В. биле констатирани телесни повреди.

Во вечерните часови на 12 април, на паркинг од фирма во тетовското село Порој, полицијата го уапсила 31-годишниот дилер А. Б., инаку жител на ова село.

Како што информираат од МВР, при преглед во возилото „хамер“, со тетовска регистарација, кое го управувал 31-годишникот, биле пронајдени кокаин спакуван во 100 пакувања со разна големина, девет пакувања марихуана, две дигитални ваги и два мобилни телефона.

При претресот, дилерот се однесувал агресивно и физички ги нападнал полициските службеници.

Тој бил приведен во Полициската станица Тетово, неговото возило е одземено за вештачење и по целосно документирање на случајот, против него ќе бидат поднесени соодветни пријави.