На 16.08.2022 во 22.00 часот во СВР Скопје од Градската општа болница „8 Септември“ било пријавено дека кај нив со повреда бил донесен А.Р. (28) од с. Кондово.

Според пријавеното тој со повредата се здобил од залутано зрно во неговиот двор во с. Кондово.

Полициски службеници излегле на местото и се преземаат мерки за расчистување на случајот.

Вчера во Битола лишени се од слобода пет лица, а запленета е дрога во вкупна тежина од околу 250 килограми со проценета вредност од околу 800.000 евра, информираат од МВР.

По добиени информации дека во правен субјект за производство на канабис во медицински цели во Битола се врши производство на марихуана, и покрај донесената одлука и решение од страна на Владата на РСМ на 25.05.2021 за одземање на дозвола за одгледување на канабис за медицински цели, обезбедена е Наредба за претрес од Основен суд Битола.

При извршениот претрес на правниот субјект, во една од просториите затекнати се две женски лица во момент на обработка и пакување на сув цвет од канабис, додека во други простории на фабриката е пронајдена голема количина на сув цвет од канабис.

Во координација со Јавен обвинител од Основното јавно обвинителство Битола, по комплетирање на целокупната документација против сите инволвирани лица во нелегално производство на марихуана ќе биде поднесена кривична пријава.

На 16.8.2022 во 20:30 часот било пријавено дека во Кочани на ул. Стево Теодосиевски се случила сообраќајна несреќа помеѓу патничко возило од такси-служба и електричен тротинет управуван од малолетник од Кочани.

Во несреќата малолетникот се здобил со тешки телесни повреди констатирани во Клиничкиот центар во Штип.

Извршен бил увид од увидна екипа од Полициската станица Кочани.