Полицијата уапси 86-годишен старец кој нападнал малолетничка во парк во Ѓорче Петров.

Според информациите на МВР, вчера во 13:00 часот во Скопје, полициски службеници го уапсија 86-годишниот Д.Т. од Скопје.

Претходно во полиција било пријадено дека околу 11:15 часот во парк на подрачјето на Ѓорче Петров се однесувал непристојно кон 15-годишна малолетничка и барал да го допира по телото.

По целосно документирање на случајот ќе следува соодветна пријава, велат од МВР.

12-годишно девојче од Скопје под закана испраќало експлицитни фотографии на малолетник. Случајот во полиција го пријавила нејзината мајка.

Според информациите на МВР, вчера 35-годишна жена од Скопје пријави дека во периодот од март годинава до денот на пријавата, нејзината 12-годишна ќерка под закана преку мобилна апликација испраќала експлицитни фотографии и видеа на малолетник.

Се преземаат мерки за расчистување на случајот.

Малолетници нападнале ученик пред основно училиште во Студеничани и го снимале со мобилен телефон, а видеото го објавиле на социјалните мрежи.

Според информациите на МВР, вчера во 20:00 часот во СВР Скопје, А.Ј.(43) од с.Студеничани, скопско, пријави дека на 12.05.2026 околу 09:30 часот пред основно училиште на подрачјето на општина Студеничани, неговиот 14-годишен син бил физички нападнат од неколку малолетници, кои ги познавал и кои го снимиле настанот со мобилен телефон, а потоа го објавиле на социјална мрежа.

За настанот е известен јавен обвинител и инспектор за малолетници. Се преземат мерки за расчистување на случајот.