Во утринските часови на 23 февруари, припадници на Противпожарната единица од Скопје во полиција пријавиле пожар во јавен царински склад на улицата Јадранска магистрала, кој бил во сопственост на скопјанецот А. М. (41).

Според пријавата, од огнот била опожарена една комора.

Пожарот бил изгаснат од страна на пожарникарите, а вработените Р. М. (47) и Џ. М. (27), двајцата од Скопје, поради вдишување чад, биле пренесени во комплексот клиники „Мајка Тереза“.

Увид на местото на настанот извршила екипа од скопската полиција.

Во гостиварското село Чегране, полициски службеници на СВР Тетово го лишија од слобода лицето Ф.А. кое има 19 години, информираат од министерството за внатрешни работи.

Лицето е осудено на тригодишна затворска казна за сторено кривично дело „неовластено производство и пуштање во промет на наркотични дроги, психотропни супстанци и прекурсори“, велат од МВР.

Додаваат дека по неговото приведување, реализирано со судска наредба, Ф.А. ќе биде спроведен во затворот во Тетово за издржување на казната.

Вчера во 5:30 часот на граничниот премин „Меѓународен аеродром“ – Скопје, на излез од земјава бил приведен А.Р.(57) од Прилеп, со место на живеење во Велика Британија, поради приложен фалсификуван негативен ПЦР-тест, соопштија од МВР.

Тој бил предаден на полициски службеници за понатамошна постапка.