Црна хроника
Притвор за лицето кое осквернави гроб за да украде златен накит од покојник

Основното јавно обвинителство Куманово поведе постапка против лице на возраст од 30 години за сторено кривично дело тешка кражба од член 236 став 1 точка 1 во врска со член 19 од Кривичниот законик.
Осомничениот, заедно и по претходен договор со уште две лица, на 10.10.2021 година, околу 1 часот по полноќ, на Градските гробишта во Куманово со совладување пречки, се обиделе да одземат туѓи подвижни предмети со намера противправно да ги присвојат.
Тие со помош на рачен алат, лопати и ашов ја тргнале мермерната плоча со која бил покриен гроб, започнале да ја ископуваат земјата и дошле до ковчегот во кој се наоѓало тело на починато лице. Осомничените го отвориле ковчегот и започнале да вршат пребарување на телото со цел пронаоѓање златен накит, особено златен синџир за кој имале сознанија дека се наоѓа на телото на покојната, меѓутоа при пребарувањето не успеале да пронајдат ништо, поради што делото не го довршиле.
Јавниот обвинител од Основното јавно обвинителство Куманово до надлежниот суд поднесе предлог за определување мерка притвор за осомничениот. Постапка се води и против другите двајца осомничени, кои во моментов се наоѓаат во затвор на издржување казна за друго кривично дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична пријава за двајца скопјани, ја злоупотребиле службената положба

Единицата за економски и компјутерски криминал при СВР Скопје поднесе кривична пријава против К. Н. (32) од Скопје поради постоење основи на сомнение за сторени кривични дела злоупотреба на службената положба и овластувањето и фалсификување службена исправа и против Б. Х. (30) и Ш. Х. (29), двајцата од Скопје, поради постоење основи на сомнение за сторено кривично дело употреба на исправа со невистинита содржина.
Првопријавениот К. С., во својство на службено лице, вработен во подрачно одделение за матично работење во Скопје при Управата за водење на матичните книги во Министерството за правда, по претходен договор со второпријавениот и третопријавената, на 4.11.2021, без примено писмено барање за издавање извод од Матичната книга на родените и без доказ за уплатена административна такса за издавање извод, изготвил и издал извод од Матичната книга на родените за нивното малолетно дете, во кој внел податоци од друго малолетно дете.
Црна хроника
178 казни за брзо возење

Во текот на вчерашниот ден (30.1.2023) Министерството за внатрешни работи спроведе акциска контрола на територијата на Република Северна Македонија за санкционирање возила што се движат со брзина поголема од дозволената, при што санкционирани се 178 возачи.
Од нив, 21 возило се движело со над 50 километри на час повеќе од дозволената брзина, а едно се движело со дури над 70 километри на час повеќе од дозволената брзина.
Притоа 88 возила ја пречекориле брзината во населено место, а 90 надвор од населено место.
Сообраќајните контроли продолжуваат и во наредните денови.
Црна хроника
Приведен бегалец од затвор

На 30.1.2023, на улицата Гоце Делчев во с. Кривогаштани, Прилепско, полициски службеници од СВР Битола – Полициско одделение Кривогаштани, го привеле П. М. (36) од с. Кривогаштани.
Тој бил баран по потерница по наредба на Казнено-поправната установа „Затвор Прилеп“ поради бегство од затворот.
Лицето било спроведено во установата за доиздржување казна затвор во траење од две години и три месеци.