Цело семејство од Охрид е пренесено во болница поради вдишување чад откако избувнал пожар во нивниот стан.

Според информациите на полицијата, вчера околу 07 часот бил пријавен пожар во стан на улицата „Карпош Војвода“, сопственост на К.Џ.(70) од Охрид.

Пожарот бил изгаснат од екипа на Територијалната противпожарна единица Охрид, а К.Џ. и неговото семејство поради вдишен чад биле пренесени во Медицински центар Охрид.

Увид на местото извршила екипа на СВР Охрид. Се утврдуваат причините за пожарот.

Седумдесет и седумгодишен старец со автомобил удрил во пешак и избегал.

Според информациите на МВР, несреќата се случила вчера во Скопје на крстосницата од бул.„Гоце Делчев“ и ул.„Иљо Војвода“ во Скопје, кога Г.К.(77) со „порше“ со скопски регистарски ознаки удрил во пешакот Б.Х.(70) од Скопје и избегал.

Пешакот се здобил со тешки телесни повреди, констатирани во Градската општа болница„Св. Наум Охридски“.

Увид на местото извршила екипа од СВР Скопје.

Полицијата пронајде оружје во куќа во Скопје, а сопственикот е приведен.

Според информациите на МВР, вчера бил приведен З.Д(49) од Скопје затоа што при претрес во неговиот дом, извршен со судска наредба, биле пронајдени и одземени еден ловен патрон, една пушка модел „маузер“, пиштол „застава“ со две рамки, ловечка пушка „баикал“ и повеќе од 600 куршуми за различно оружје.

Тој бил приведен во полициска станица и по целосно документирање на случајот против него ќе биде поднесена соодветна пријава