Кочанската полиција поднесе кривична пријава против Ј.С.(63) и Д.Н.(47), двајцата жители на овој град, поради сомнение за сторено кривично дело – злоупотреба на службената положба и овластување.

Првопријавениот 63-годишник, како советник во објект во Кочани во Одделението за административни и заеднички работи при МВР и второпријавениот 47-годишник како виш референт во објектот, искористувајќи ја својата службена положба ги пречекориле границите на своето овластување на тој начин што во периодот од 2019 до 2021, постапувајќи противзаконски, без спроведена постапка за јавна набавка и без да склучат договор, во 409 наврати извршиле набавка на храна и пијалаци за потребите на објектот од седум фаворизирани оператори.

Како што информираат од МВР, со ваквите нелегални активности биле потрошени 5.135.440 денари буџетски средства.

Приведен 27-годишен скопјанец, баран со централна потерница за издржување на затворска казна.

„ На подрачјето на Центар полициски службеници од Одделот за криминалистичка полиција во координација со Секторот за меѓународна полициска соработка – Одделение за потраги го лишија од слобода Д.П.(27) од Скопје, кој се барал по распишана централна потерница за издржување на затворска казна“ соопшти МВР.

Д.П. е спроведен во Казнено-поправната установа Затвор Идризово за издржување на казната за извршени кривични дела во врска со недозволена трговија со дрога, оружје и разбојништво.

Седумдесет и четиригодишна жена која пешачела на улицата Партизанска во Битола, вчера била прегазена од мотор.

„Мотоцикл „јамаха“, со битолски регистарски ознаки, управуван од Д.Н.(28) од Битола удрил во пешакот В.Н.(74) од Битола. Во незгодата В.Н. се здобила со тешки телесни повреди, констатирани во Клиничката болница Битола“, соопшти МВР.

Извршен бил увид на местото на незгодата од увидна екипа од СВР Битола.