Контакт

Топ

Разбојниците по кражбата во НЛБ банка го запалиле возилото

Објавено пред

Три вооружени лица најверојатно го извршиле грабежот во еокспозитурата на НЛБ банка во Ѓорче Петров.Тие го извршиле грабежот со „опел вектра“ која потоа била запалена, по што побегнале кон селото Крушопек. Полицијата соопшти повеќе информации околу вчерашниот грабеж, во кој банката информирае дека се украдени 8 700 евра.

„Вчера во 10.55 часот во СВР Скопје, Е.С.(26) од Скопје, вработена во банка, пријавила дека во експозитура на банката на ул.„Исаија Мажовски“ во Скопје три лица со закана со оружје над вработените одзеле пари. Исто така, М.Д.(60) од Скопје пријавил дека на висечкиот мост кај стадион „Ѓорче Петров“ и селото Лака, забележал три вооружени лица, а во нивна близина опожарено возило, по што лицата со друго возило се упатиле кон селото Крушопек“, соопшти МВР.

Од полициски службеници е констатирано дека станува збор за патничко возило „опел вектра“, со скопски регистарски ознаки, кое било користено за претходно извршеното разбојништво. Пожарот е изгаснат од Противпожарната единица од Скопје. Увид на местото на настанот извршила увидна екипа од СВР Скопје. Се преземаат мерки за расчистување на случајот, велат од полицијата.

При вооружениот грабеж што се случи вчера во експозитурата на НЛБ Банка во Ѓорче Петров, биле се одземени 8.700 евра.Од НЛБ Банка потврдија дека клиентите и вработените на Банката се безбедни и се во добра здравствена состојба.

Македонија

Адвокатот на Јанева вели дека Русковска нема докази против неа

Објавено пред

Адвокатот Дељо Кадиев, кој ја застапува обвинетата Катица Јанева во предметот „Рекет“, по судењето на кое завршни зборови даваше Обвинителството, рече дека обвинителката Вилма Русковска нема ниту еден доказ со кој се потврдуваат делата кои се пишани во обвинителиот акт.

Бранителот Сашо Дуковски, во име на обвинетиот Бојан Јовановски, пак, рече дека завршниот збор се темелел на вештачење кое не е извршено.

„Гледаме тука дека обвинителката наивно се задржа на снимките кои се незаконски снимени и објавени. По завршување на постапката обвинителката се обиде да протне нови докази. Апсолутно не браниме ништо што не е одбранливо, веруваме дека нема ниту еден доказ со кој се потврдува било што од обвинителниот акт“, рече Дељо Кадиев.

Дуковски како и претходно, тврди дека не е извршено вештачење на кое се темели обвинителниот акт кој го застапува обвинителката Вилма Русковска.

„Ја слушнавте терминологијата во давањето на завршен збор. На почетокот на завршниот збор се користеше терминот ‘известие’ и ‘анализа’ на мобилниот телефон, за потоа да продолжи во ‘вештачење’, ‘вештачење’, ‘вештачење’, на мобилниот телефон. Ако го имате во предвид исказот на сведокот форензичар Белкија Рустеми кој беше сведок на Обвинителството и кажа дека не е лиценциран, односно дека нема извршено вештачење во овој телефон, а целиот завршен збор се темелеше на некакво вештачење на некакви разговори, кое не е извршено“, рече Сашо Дуковски.

Прикажи повеќе...

Македонија

Русковска: Доживеавме разочарување кога клучниот лик во „Чарлиевите ангели“ премина на страната на злото

Објавено пред

Во завршните зборови во случајот „Рекет“, обвинителката Вилма Русковска пред судот кажа дека одбраната на обвинетите Бојан Јовановски-Боки 13 и Катица Јанева, се обидува да докаже нешто што не се докажува.

Русковска рече дека со сведочењето на Ана Камчева се докажало како течела исплатата на првите 500.000 евра, а потоа дека Сергеј Варошлија го потврдил тоа, со тоа што сведочел дека ги гледал осудениот Зоран Милески-Кичеец и Камчева како доаѓаат во канцеларијата и домот на Јовановски.

За исплатата на останатиот еден милион, Русковска кажа дека тоа е докажано со исказот на Камчев.

„Од тие кои ги поддржувавме, доживеавме разочарување кога клучниот лик во ‘Чарлиевите ангели’ премина на страната на злото”, рече Русковска во завршните зборови.

Русковска го коментираше и исказот на Бојан Јовановски пред судот, за што кажа дека Обвинителството поседува докази дека Јанева и Јовановски разговарале за предмети на СЈО, покрај љубовните и семејните работи како што сведочеше обвинетиот.

Обвинителката го искоментира и надоместокот кој Јанева го земала за чување на тајни:

„Не знам зошто Јанева земаше пари за чување тајни кога Јовановски го знаеше предметот ‘Империја’ подобро и од Стефанова“.

За добивањето на пријавата за „Рекет“ од страна на Орце Камчев, Русковска рече дека во тој момент мислела дека се наоѓа во лош сон, а за побараните пари: „Повеќето од нас не можеме да ги замислиме ни на сон, а не на јаве“.

По завршните зборови на Обвинителството, тоа ќе го направат и обвинетите, како и нивните бранители.

Судењето за „Рекет“ трае шест месеци и е во завршна фаза.

Прикажи повеќе...

Македонија

Арсовски: Избори во јуни не се можни

Објавено пред

Избори во јуни не се можни, истакна портпаролот на ВМРО-ДПМНЕ, Димче Арсовски. Одговарајќи на новинарски прашања тој ја отфрли можноста ВМРО-ДПМНЕ да учествува на избори во јуни, образложувајќи дека има зголемен број на новозаразени од коронавирус.

„Од она што можам да кажам дека за датум за избори ќе мора да се разговара консензуално односно во моментот кога ќе се оцени дека е можно да се одржат изборите бидејќи најважно во моментов ни е здравјето на граѓаните, а не спас на нечија кариера на некој функционер од СДСМ“, рече Арсовски.

Запрашан за предлогот на Комисијата за заразни болести за олабавување на сите мерки, како и отворање на границите од 1 јуни, Арсовски рече дека ќе мора да ги согледаат сите аргументи што Комисијата ќе ги изложи.

„Еве гледаме дека сите оние бројки кои што јавните здравствени установи ги излагаат со нив во медиумите, значат дека наместо да стишува корона заразата гледаме дека бројките се зголемуваат и напротив се шири во период додека дел од државите во регионот прогласуваат победа врз корона вирусот, ние гледаме дека кај нас во моментов се зголемува бројката на ново заразени. Се уште за нас е несфатливо како е можно до вчера да имаме 58-часовен карантин, а од денеска Комисијата за заразни болести да предлага олабавување на мерките и практично како ништо да не се случило, но како што реков ќе мора уште еднаш да ги погледнеме аргументите, а во однос на притисокот за избори како што реков избори во јуни не се можни бидејќи сите бројки кои што ги гледаме на ново заразени упатуваат на тоа дека во моментов здравјето на граѓаните е најважно, а не спас на нечија политичка кариера“, рече Арсовски.

Прикажи повеќе...

Најново

Македонија41 минута

Адвокатот на Јанева вели дека Русковска нема докази против неа

Адвокатот Дељо Кадиев, кој ја застапува обвинетата Катица Јанева во предметот „Рекет“, по судењето на кое завршни зборови даваше Обвинителството,...

Македонија1 час

Русковска: Доживеавме разочарување кога клучниот лик во „Чарлиевите ангели“ премина на страната на злото

Во завршните зборови во случајот „Рекет“, обвинителката Вилма Русковска пред судот кажа дека одбраната на обвинетите Бојан Јовановски-Боки 13 и...

Македонија1 час

Арсовски: Избори во јуни не се можни

Избори во јуни не се можни, истакна портпаролот на ВМРО-ДПМНЕ, Димче Арсовски. Одговарајќи на новинарски прашања тој ја отфрли можноста...

Македонија1 час

Укинување на полицискиот час и отворање на границите и кафулињата предлага Комисијата за заразни болести

Комисијата за заразни болести на денешниот состанок одлучила да побара од Владата укинување на полицискиот час, а веќе во текот...

Свет2 часа

СЗО го суспендира тестирањето на лекот против малaрија кај пациенти со Ковид-19

Светската здравствена организација (СЗО) го суспендира тестирањето на лекот против малaрија „хидроксиклорокин“ кај пациенти со Ковид-19 поради стравувањата за нивната...

Европа4 часа

Шпанија го намали вкупниот број на починати од Ковид-19 за 2.000

Шпанија синоќа објави дека од коронавирусот починале речиси 2.000 луѓе помалку отколку што се сметаше претходно. Министерството за здравство соопшти дека...

Регион4 часа

Црна Гора дозволи свадби, крштевки, публика на стадионите…

За разлика од многу европски првенства, во Црна Гора натпреварите ќе се играат во присуство на публиката, рече премиерот Душан...

Европа5 часа

Германија и Франција повикаа на отворање на границите во Европa

Претседателот на францускиот парламент и неговиот германски колега побараа што побргу да се отворат границите меѓу европските земји по затворањето...

Македонија5 часа

Зоолошката градина од денеска е отворена за посети со нов протокол за движење

Од денеска скопската Зоолошка градина повторно е отворена за посети, но со нов протокол за движење поради ситуацијата предизвикана од...

Регион5 часа

Брнабиќ ги повика Србите да не летуваат во Црна Гора

Кога Србија не се најде на списокот на земји за кои Црна Гора ќе ги отвори своите граници на 1...

Свет16 часа

Италија бара 60.000 доброволци, кои ќе надгледуваат дали се држи физичка дистанца

Италија планира на улиците да испрати речиси 60.000 доброволци, кои би внимавале на одржување на правилата за физичка дистанца и...

Македонија17 часа

Чулев: Ако се потврди автентичноста на „орото во Чаир“ ќе следат казни

Намалување на бројот на заразени од вирусот Ковид-19 е возможно само доколку граѓаните се дисциплинирани и ги почитуваат мерките за...

Свет18 часа

(Видео) Додека претседателот на Бразил јадеше хот-дог на улица минувачите извикуваа „убиец“

Минувачите во Бразил извикуваа „убиец“ и „ѓубре“ кон бразилскиот претседател Жаир Болсонаро, кој во саботата опкружен со телохранители излезе на...

Европа19 часа

Виена: За првпат во Европа извршена трансплантација на белите дробови на заразен со коронавирус

На Медицинскиот универзитет во Виена деновиве била извршена итна и екстремно комплицирана трансплантација на белите дробови кај 45-годишна пациентка кој...

Свет19 часа

Боливиски министер во притвор – купил респиратори за трипати повисока цена од реалната

Боливискиот министер за здравство Марсел Навахас е задржан во тримесечен притвор поради обвинувањата дека купил респиратори за трипати повисока цела...

Свет20 часа

Во Вухан 6,5 милиони луѓе тестирани за десет дена

Во изминатите десетина дена, 6,5 милиони луѓе се тестирани за присуство на коронавирусот во Вухан, а целта е да се...

Европа20 часа

Психијатарот поради невозвратена љубов ги труел своите колеги со торта

Млад доктор со српско потекло им донел торта на колегите во психијатриска болница во австриски затвор, во која ставил разни...

Македонија24 часа

Двајцата пациенти на кои им беше трансплантиран бубрег се во добра здравствена состојба

Двајцата пациенти на кои во саботата им беше изведена трансплантација на бубрег од починат донор се во добра и стабилна...

Македонија1 ден

Потврден 21 нов случај на коронавирус, нема починати пациенти

Во изминатите 24 часа потврден е 21 нов случај на коронавирус, а Министерството за здравство соопшти дека не се регистрирани починати...

Свет1 ден

Психијатар со српско потекло со торта отрул колеги во Австрија

Психијатар вработен во затвор со српско потекло е уапсен недалеку од Виена под сомнение дека на колегите им дал торта...

Досие