Контакт

Топ

Расветлено и второто убиство кај браната Турија – го застрелал, го ставил во резервоар за гориво и го фрлил во водата

Објавено пред

Полицијата соопшти детали за убиството на струмичанецот кој се водеше за исчезнат, а неговото тело потоа беше пронајдено во водите на браната Турија. Според МВР, подмолното убиство го извршил 54-годишниот М.В. од селото Добрејци, против кого полицијата поднесе кривична пријава. Тој лани го убил 62-годишниот струмичанец А.М. поради користољубие. Откако го застрелал, телото го ставил во метален камионски резервоар за гориво и го потопил во водите на браната Турија. Случајот беше откриен дури годинава.

Како што соопшти МВР, на 13.10.2018 во СВР Струмица, од страна на роднина е пријавено дека на А.М. му се губи трага, по што полицијата почнува да го бара.

„Утврдено е дека на 9.10.2018 А.М. остварил телефонски контакт со пријавениот, по што се сретнале и заедно отишле во адвокатска канцеларија во Струмица, каде бил изготвен писмен меѓусебен договор за купопродажба на недвижен имот за цена од 18.200 евра. Договорената сума на пари за купопродажба на имотот не била исплатена во адвокатската канцеларија, а од страна на адвокатот пријавениот бил предупреден дека треба парите да ги исплати на трансакциска сметка”, соопшти полицијата.

Истиот ден тој го убил А.М. во неговиот деловен објект во селото Добрејци, каде го повикал со изговор да му ги исплати парите за купената деловна просторија, така што го застрелал со огнено оружје со калибар 5,6 мм, а потоа го ставил телото во метален камионски резервоар за гориво и го потопил во водите на брана Турија на место викано Рајанци.

Дури на 5 јули годинава околу 15:00 часот на браната Турија кај место викано Рајанци беше пронајден метален камионски резервоар за гориво со машки труп во него. Од извршената обдукција во Судска медицина Скопје утврдено е дека пронајдениот машки труп е на исчезнатиот струмичанец А.М.

При обдукцијата бил изваден куршумот со кој бил застрелан при што е утврдено дека се работи за проектил со калибар 5,6 мм, исто како во случајот со претходно убиство на Р.И. од Струмица, чие тело во метално буре беше пронајдено исто така во водите на браната Турија во непосредна близина на местото каде е пронајден А.М. По извршените анализи, утврдено е дека станува збор за лицето Ристо Иљашев и дека смртта настанала по насилен пат.

Полицијата веќе поднесе пријава против М.В за ова убиство. По наредба на судија на претходна постапка при Основен суд Струмица, тој се наоѓа во притвор.

Македонија

Кумановец починал во Градската болница „8 Септември“, Филипче најави зајакнување на мерките

Објавено пред

Освен 63-годишното лице од Лабуништа, кое починало на Инфективната клиника како последица на коронавирусот, во последниве 24 часа уште едно лице од Куманово починало во Градската болница „8 Септември“ од Ковид-19, со што бројот на смртни случаи се искачи на 19.

„Уште едно лице од Куманово во болницата ‘8 Септември’ е починато, тој бил детектиран како позитивен на вирусот Ковид-19 на први април“, информираше министерот за здравство Венко Филипче, кој не даде дополнителни информации за возраста на лицето и дали истото претходно страдало од хронични болести.

Министерот рече дека земјава влегува во втората фаза на епидемијата, па утре Комисијата за заразни болести во Владата ќе предложи зајакнување на мерките, со оглед на тоа што бројот на заболени лица дополнително ќе расте.

„Еден од главните проблеми е што има асимптоматски носители на вирусот, па оттаму ги повторувам препораките дека секој контакт треба да се избегнува“, рече тој.

На денешниот видео-брифинг меѓу новинарите и првите луѓе на здравствените установи надлежни за справување со коронавирусот, беше кажано дека од денеска и болницата „8 Септември“ е подготвена за дијагностицирање и лечење на забоелни од Ковид-19 и дека на располагање ќе бидат нови 400 болнички кревети,што ги нуди болницата. Каде ќе бидат сместени заболените ќе се одлучува во координација со директорката на Клиниката за инфектологија.

Како нов регионален центар за справување со пандемијата е и болницата во Битола каде што во моментов има 35 кревети на располагање, кои можат да се зголемат до 100.

Во меѓувреме, течат преговори со лабораторијата на МАНУ за дијагностицирање на заболени од Ковид-19 и за користење на нивната апаратура.

Во моментов, на Инфективната клиника сместени се 74 пациенти, од кои 11 дишат со помош на респиратори, а 15 се во тешка здравствена состојба.

Засега, најкритична точка е Куманово, град во кој од петокот е воведен полициски час и каде бројот на новодијагностицирани од коронавирусот секојдневно расте.

Прикажи повеќе...

Македонија

Се очекува пикот на коронавирусот, Куманово засега е најкритично

Објавено пред

Бројот на заболени од коронавирусот очекувано расте, иако големо изненадување е Куманово, град кој во изминативе 24 часа ја надмина и бројката на заразени во Скопје.

Надлежните директори на здравствените установи на денешниот видео-брифинг со новинарите информираа дека се уште се испитува на што се должи ова, дали тоа може да се препише на културолошките карактеристики на граѓаните или можеби станува збор големи семејства кои живеат заедно па оттаму се и почестите контакти.

Министерот за здравство Венко Филипче информира дека ова е моментот кога треба да се направи пресек, со оглед на тоа што во периодот што следува ќе дојде и пикот на заболени, па оттаму се преземаат и дополнителни чекори за превенција и заштита.

Министерот за информатичко општество Дамјан Манчевски информираше дека е изработена апликација која секој ќе може да ја инсталира на својот мобилен телефон, а преку која ќе може да се следат контактите што евентуално ги имало заболеното лице од Ковид – 19. Манчевски рече дека станува збор за неинвазивна апликација која нема да ја наруши приватноста, нема да ги открива телефонските броеви на граѓаните, туку ќе работи на база на апликациски броеви.

Имено, откако граѓанинот ќе ја симне апликацијата ќе му биде доделен број кој нема врска со бројот на неговиот мобилен телефон или со матичниот број. Преку тој број ќе се следат контактите што ги имал со други лица кои имаат симнато апликација на своите мобилни телефони на кои им се приближил на помалку од два метра. За да функционира апликацијата цело време ќе треба да биде вклучен „bluetooth”.

По 14 дена податоците автоматски ќе се бришат од уредот и воопшто нема да бидат преземени во друг уред, а единствено ќе се преземаат во серверот на инфектолозите доколку имателот на апликацијата се заболи од Ковид-19 за полесно да се следат контактите што ги имал со другите лица.

Министерот за здравство Венко Филипче информираше дека во текот на идниот период се очекува и МАНУ да се приклучи во капацитетот на тестирањето. Освен тоа, реорганизирана е и Градската болница „8 Септември“, извршена е реорганизација на просторот и персоналот, а на располагање има 50-60 кревети со соодветна интензивна нега и операциони сали.

Тој рече дека неделава ќе се врши набавка на респиратори, а главниот критериум ќе биде брзината на испорака, иако тоа во моментов е мошне тешко остварливо со оглед на тоа што потреба од респиратори има насекаде во светов.

На сметката на Министерството за здравство, како што кажа, има донации од 500.000 евра од домашни компани, а има и донации на медицински апарати и големи количини на заштитна опрема од околу еден милион парчиња, како и донирани возила кои им се доделуваат на центрите за јавно здравје.

Надлежните не ја исклучуваат можноста доколку ситуацијата станува полоша од очекуваното, да се предложат и други мерки што ќе значат зголемување на рестриктивноста.

Според последните информации, што ги даде директорката на Инфективната клиника Милена Стевановиќ, на клиниката се хоспитализирани 74 лица и веќе се приближуваат до пополнување на капацитетите.

Во последниве 24 часа се примени нови шест пациенти од кои едно лице починало неколку часа по приемот. Вчера е примено двегодишно дете, кое е стабилно.

Статистиките покажуваат и дека 9.1 проценти од заразените од Ковид-19 се здравствени работници, што според надлежните е очекувано, бидејќи тие се во најголем ризик и се во најбизок контакт со заболените.

Прикажи повеќе...

Македонија

Еден пациент почина, 73 новозаболени и тројца излекувани од коронавирус

Објавено пред

За 24 часа регистрирани се 72 нови случаи на коронавирус во земјата, од кои најголемиот број во Куманово.

По градови: Скопје – 14, Куманово -21, Штип – 1, Прилеп – 9, Тетово-12, Струга- 1, Велес – 1, Битола – 2, Гостивар – 1, Радовиш – 1, Крушево – 2, Кочани – 7.

Со ова, вкупната бројка на дијагностицирани пациенти со КОВИД-19 денеска изнесува 555 лица.

Од Клиниката за инфективни болести и фебрилни состојби со два контролни негативни теста, денес заминуваат тројца пациенти.

Од МЗ информираат дека на Клиниката неколку часа по приемот во болница, починал маж од Лабуништа (Струга) на 63-годишна возраст донесен на клиниката со тешка клиничка слика.

Во моментов на Инфективната клиника се хоспитализирани 74 пациенти, 15 со тешка клиничка слика, 11 на механичка вентилација, другите пациенти се стабилни.

Според местото на живеење, досега случаи на КОВИД-19 се регистрирани во:

Скопје – 235
Куманово -114
Дебар – 49
Штип-19
Прилеп –33
Тетово – 29
Струга – 24
Велес – 10
Битола – 6
Охрид – 3
Кавадарци –2
Гостивар – 4
Гевгелија – 4
Струмица – 2
Крива Паланка- 2
Радовиш -3
Крушево – 2
Кочани – 14

Прикажи повеќе...

Најново

Македонија2 часа

Кумановец починал во Градската болница „8 Септември“, Филипче најави зајакнување на мерките

Освен 63-годишното лице од Лабуништа, кое починало на Инфективната клиника како последица на коронавирусот, во последниве 24 часа уште едно...

Македонија3 часа

Се очекува пикот на коронавирусот, Куманово засега е најкритично

Бројот на заболени од коронавирусот очекувано расте, иако големо изненадување е Куманово, град кој во изминативе 24 часа ја надмина...

Македонија4 часа

Еден пациент почина, 73 новозаболени и тројца излекувани од коронавирус

За 24 часа регистрирани се 72 нови случаи на коронавирус во земјата, од кои најголемиот број во Куманово. По градови:...

Македонија4 часа

Јованоски: Во Прилеп 33 случаи на коронавирус, во Крушево два

Бројот на лица инфицирани со коронавирусот во општина Прилеп се искачи на 33, откако денеска беа потврдени девет нови случаи,...

Свет5 часа

Сперанца: Кризата ќе заврши само кога ќе се најде вакцината, дотогаш треба да се создадат услови за соживот со вирусот

Италијанската влада подготвува план од пет точки за контролирано отворање на земјата кога епидемијата на коронавирусот ќе почне да покажува...

Регион6 часа

Грција стави во карантин уште еден мигрантски камп

Грција стави во карантин уште еден мигрантски камп откако е потврдено дека еден 53-годишен маж е позитивен на коронавирус. Авганистанецот...

Македонија7 часа

МТСП: Породилното отсуство се продолжува

Министерството за труд и социјална политика информира дека се продолжува периодот на платено отсуство од работа поради нега и одгледување...

Македонија7 часа

(Видео) Уапсени 12 лица во Куманово поради непочитување на полицискиот час

Во периодот од 21 часот на 03 април, петок, до 07 часот утринава, на подрачјето на Куманово регистрирани се 14...

Свет8 часа

Кина повеќе не е во првите пет земји во светот по бројот на заболени од коронавирус

Во светот бројот на заразени лица со коронавирус е 1.203.859, бројот на починати е околу 64.787, од ​​кои само 40.000...

Свет9 часа

Трамп: Следната недела ќе биде најтешка

Американскиот претседател, Доналд Трамп, предупреди дека во неделата која следи бројот на смртни случаи од коронавирус во земјата постојано ќе...

Македонија20 часа

МЗ: Земјава има 4.500 тестови за коронавирус, а резервите секојдневно се надополнуваат

Анализите покажуваат дека сме втора земја во регионот според бројот на спроведени тестови за коронавирус на еден милион жители, соопшти...

Регион21 час

Во Словенија 934 заболени од коронавирус и 22 починати, направени се 25. 921 тестови

Еден месец од првиот потврден случај и 21 ден по првиот смртен случај, во Словенија бројот на заболени од коронавирус...

Европа22 часа

Шпанија ја продолжи вонредната состојба

Владата на Шпанија објави продолжување на вонредната состојба за дополнителни 21 дена откако бројот на заразени со коронавирус достигна околу...

Македонија23 часа

(Видео) Кога и како се носат маските за вистински да се заштитиме од коронавирусот

Министерот за здравство, Венко Филипче, на „Фејсбук“ објави видео на кое е прикажано како правилно се носат маските за вистински...

Македонија1 ден

ДСЗИ спроведува вонреден инспекциски надзор за смртта на починатиот велешанец

Државниот санитарен и здравствен инспекторат спроведува вонреден инспекциски надзор во однос на причината за велешкиот пациент кој почина пред неколку дена,...

Македонија1 ден

Потврдени нови 53 случаи на коронавирус, вкупниот број на починати се искачи на 17

Во изминатото деноноќие потврдени се 53 нови случаи позитивни на Ковид- 19, со што вкупната бројка на дијагностицирани изнесува 483...

Свет1 ден

Излекуван најмладиот пациент со коронавирус во Италија

Најмладиот пациент заразен со вирусот Ковид-19 во Италија, едногодишно дете, е излекуван. Момчето од местото Понтеј, во близина на италијанската...

Свет1 ден

Шојбле против заедничко задолжување во ЕУ поради коронавирусот

Претседателот на германскиот Бундестаг, Волфганг Шојбле изјави дека е против заедничко задолжување на европското семејство во борбата против последиците од...

Свет1 ден

Во Франција коронавирусот се шири во старските домови, во Белгија нови 140 починати

Бројот на заболени од коронавирус во светот надмина еден милион. Утрово бројот изнесува 1.099.711. Ситуацијата е се полоша во Франција,...

Македонија1 ден

Чулев: Досега на 2.405 луѓе им се издадени решенија за изолација, а 9.793 потпишале изјава за самоизолација

Министерот за внатрешни работи Наќе Чулев преку Фејсбук информираше дека 1322 лица не ја почитувале мерката за ограничување на движењето,...

Досие